အထိမ်းအမှတ်နေ့

ဒီနေ့ကိုပေါ့

ငါမျှော်လင့်နေခဲ့တာ

စောင့်စားပြီး ရင်ခုန်ခဲ့ရတာ

အဲ့ဒီနေ့ရောက်ရင်

တို့နှစ်ယောက် ကြင်နာမှုတွေ

(သာမန်ထက်) အပြန်အလှန်

ပေးဖြစ်ကြတယ် ။

လတစ်လရဲ့ နှစ်ဆယ်ရက်နေ့ကို

(တကယ်)တသက်မမေ့ဘူးဆို

မင်းလည်းလက်ခံမှာပါ ။

ဒီအချိန်တစ်ခေါက်

ပြန်ရောက်တိုင်းလည်း

ပိုမိုမြတ်နိုး

အကြင်နာတိုးလို့
အစဉ်ကြိုလေ့

အထိမ်းအမှတ်နေ့ ။

ချစ်သူ“မောင် ”ရဲ့ ချစ်သူ့သက်တမ်း(၂)နှစ်ပြည့် အထိမ်းအမှတ်အတွက်

ပို့ပေးခဲ့ဘူးသော ကဗျာလေးပါ ။

ဒီနေ့ဆို ချစ်သူသက်တမ်း(၁၁)နှစ်ပြည့်ပေါ့နော်.......၊ အရာရာဟာ

ပြောင်းလဲသွားပေမဲ့ မောင့်အပေါ်ထားတဲ့ စေတနာတွေ ၊ချစ်ခြင်းတရားတွေ

ကတော့ အမြဲရှင်သန်နေတုန်းပါပဲ ။ မျက်ဝန်းထဲက ရင်ခုန်မြတ်နိုးခြင်းတွေ

မောင်သိမြင်နိုင်ပါစေ ........။

လွမ်းလို့ သေသွားတဲ့ လိပ်ပြာ

သတိရတယ်
တချိန်ကဘ၀
အတူရှိစဉ်က
ညဟာလှပ
အေးမြခဲ့တယ်....ချစ်သူရယ် ။

မင်းရဲ့မျက်ဝန်းတညို့မှာ
ငါ့ရင်ခွင်တစ်ခုလုံး
မိုးခေါ်ဗုံးတလုံး
ဖြစ်ခဲ့ဘူးတယ်။

ခုတော့လည်း.......ငါ
လွမ်းလို့သေသွားတဲ့ လိပ်ပြာတစ်ကောင်လို
အရာရာမှာ
အေးခဲစွာနဲ့
ငြိမ်...သက်....ခဲ့.....ပေါ့ ။



ချစ်သူ“မောင်”ရေးဖွဲ့သည် ။

သို့........

ဂျစ်ငယ်ငယ်ထဲက လေးစားခဲ့တဲ့သူတစ်ယောက် ရှိပါတယ် ။
အဲ့ဒါကတော့ ကျေးဇူးရှင် ဖေဖေပါ ။ ဖေဖေက ပညာတတ်ကြီးဖြစ်လို့ ဖေဖေကို
လေးစားတတ်ခဲ့တဲ့ ပုံစံမျိုး မဟုတ်ခဲ့ပါဘူး ။ ဖေဖေက မိသားစုအပေါ် အမြဲအနွံတာ
ခံခဲ့တယ် ၊လိုချင်တာတွေကို ပြည့်စုံအောင် ပေးခဲ့တယ် ။မပြေလည်ခဲ့တဲ့ ဘ၀လေးကို
ရုံးကန်ပြီး တနေ့ထက် တနေ့ ပိုပြီးပြေလည်အောင် ၊ထိပ်ဆုံးရောက်အောင် ကြိုးစားခဲ့တဲ့
စိတ်ဓါတ်ရှိသူ ဖေဖေပါ ။


ဂျစ် (၁၀)တန်းအောင်တဲ့ အထိဖေဖေရဲ့ စေတနာတွေကို မသိခဲ့ပါဘူး ။
ဂျစ်နဲ့ဖေဖေက အိမ်မှာဆိုရင် သိပ်မတည့်ပါဘူး။ ဘာလို့လဲဆိုတော့ ဖေဖေက
ဂျစ်တူးကို အရမ်းနှိပ်ကွတ်လို့ပါ ။ တစ်ခါမှ ငါ့သမီးသိပ်တော်တာပဲလို့ မချီးကျူး
ခဲ့ပါဘူး ။ “သမီးလေးကလည်း လိုနေသေးတာပဲ ၊ သူများတွေတောင် ဒီထက်
အများကြီး သာတယ်နော် ”လို့ ခဏခဏ ပြောလေ့ရှိလို့ ဖေဖေ့ကို မချစ်ချင်
တော့ဘူး ။ စကားပြောရင် ကောင်းတာတစ်ခုမှ မပြောလို့ နောက်ပိုင်း ဖေဖေနဲ့
မဆွေးနွေးဖြစ်ဘူးလေ။


ဂျစ်တူး ထိုင်ဝမ်ရောက်တော့မှ ဖေဖေနဲ့အရင်က ဆွေးနွေးခဲ့တဲ့ အဖြစ်တွေက
အရမ်းမှန်တယ်ဆိုတာ သိလာရတယ် ။“ လူတွေက တစ်ခုလိုချင်လို့ တစ်ခုကို
ပေးဆပ်တာပါတဲ့ ”ဒီစကားလေးက ရိုးရိုးလေးပါ ။ သူများတွေ အတွက်မှန်တယ်
မမှန်ဘူး ဂျစ်တူးမသိပါဘူး ။ ဂျစ်တူး ဒီနိုင်ငံမှာတော့ လူတွေက တစ်ခုလိုချင်လို့
တစ်ခုကိုပေးဆပ် နေတဲ့သူတွေ တော်တော်များများတွေ့ နေရတယ်ဗျ ။


ဟိုးအရင်က ဖေဖေ ဂျစ်တူးကို ဘာလို့နှိပ်ကွတ် ခဲ့လဲလို့ မေးမိတယ်။ ဖေဖေကပြော
တယ် “လူဆိုတာ အမြင့်ရောက်သွားရင် လက်ရှိကြိုးစား ချင်တဲ့ စိတ်တွေပျောက်
ကွယ် သွားတတ်တယ်တဲ့ ”လေ။ မှန်ပါတယ် ဂျစ်ကို တစ်ခါမှ မြှောက်ပင့်မပြောခဲ့ဘူး။
သမီးထပ်ကြိုးစားပါအုံးကွာလို့ပဲ ဖေဖေ ပြောလေ့ရှိတယ် ။ ကျောင်းမှာပထမဆု ရခဲ့ရင်တောင်
“သမီးရယ် ဒီကျောင်းမှာမို့ ပထမရတာ ဒီပြင့်ကျောင်းမှာဆိုရင် ဒုတိယ ၊ တတိယ
ဖြစ်ချင်ဖြစ်နေမှာ ငါ့သမီးရ ”။အဲ့လိုတွေ ဖေဖေ ပြောခဲ့လို့လားတော့ မသိဘူး ဂျစ်တူး
အမြဲကြိုးစားချင်စိတ် မပျောက်ခဲ့ဘူး ။



ဖေဖေက သူ့စကားကို နားထောင်မှ ကြိုက်တယ် ။ ဂျစ်က ဂျစ်ကန်ကန် နေတတ်တော့
သိပ်အစေးမကပ်ဘူးပေါ့ဗျာ ။ ဖေဖေ့ကိုတော့ အားလည်းကျမိတယ် ၊ ချစ်လည်း သိပ်ချစ်
တယ် ၊ တစ်ခါမှတော့ ဖေဖေ့ကို သမီးသိပ်ချစ်တာပဲလို့ မပြောမိခဲ့ဘူး ။ အဝေးရောက်မှ
ဖေဖေ သင်ပေးခဲ့တဲ့ လူတွေရဲ့စိတ်နေစိတ်ထားတွေ မြင်လာတယ် ။ ဖေဖေက ဂျစ်တူး
အဝေးရောက်မှ အမြဲအားပေးစကားပြော တတ်လာတယ် ။ “ငါ့သမီးလေး ကိုယ့်ကိုယ်ကို
အထင်ဘယ်တော့မှ မကြီးလိုက်ပါနဲ့ ...သမီးက ထက်ထက်မြက်မြက် ရှိပါတယ် ၊ လူတွေက
စိတ်မမှန်ကြတော့ သမီးနာကျင်မှာ ဆိုးရတယ် ။ဒါကြောင့် ဘယ်သူ့ကိုမဆို အပေါ်ယံ
ကြည့်ပြီး မဆုံးဖြတ်ပါနဲ့ ၊ လောကကြီးမှာ သမီးထက် တော်တဲ့တတ်တဲ့ သူတွေရှိတာ
မမေ့ထားရင် ဖေဖေ့သမီးလေး အမြဲအောင်မြင်မှုရမှာ သေချာတယ်တဲ့ ”။



ဖေဖေက အလုပ်မျိုးစုံ လုပ်ပြီး ဂျစ်တူးတို့တွေကို ကျွေးမွေးစောင့်ရှောက်ခဲ့သူပါ ။
ဖေဖေ့စကားကို နားမထောင်တဲ့ သမီးတစ်ယောက်မှ မရှိခဲ့ပါဘူး ။ ဖေဖေက ခုချိန်ထိ
သမီးတွေ တစ်ခုခုဖြစ်ချင်ရင် ချက်ချင်းထပြီး လုပ်ပေးတာပါ ။ ငယ်ငယ်က ကျောင်းမှာ
အဆင့်ကျလို့ မေမေဆူလို့ ငိုခဲ့ရင်တောင် ဖေဖေက သမီးဖေဖေကိုကြည့်စမ်း
ဖေဖေကပြမယ် ဆိုပြီး “ဦးရွှေရိုး”အက ထကပြတာ ။အဲ့ဒီတော့လဲ မရယ်ပဲနေပါ့
မလား။ စိတ်ညစ်တာတွေ ပြေရော။


ဖေဖေရေ သမီး ဒိမ်ချဉ် သောက်ချင်တာလို့ ပြောလိုက်ရင် ချက်ချင်း သွားဝယ်ပေးခဲ့တယ်။
ဂျစ်မှတ်မိသလောက် (၉)နှစ်အရွယ်က ဖေဖေ့ကိုပြောဘူးတယ် ။ဖေဖေကိုယ်တိုင် မောင်းတဲ့
ကားလေးနဲ့ ကျောင်းလိုက်ပို့တဲ့ ဘ၀မျိုးရချင်တယ်လို့ စိတ်ကူးယဉ်ပြီး ပြောဘူးခဲ့တယ် ။
ဖေဖေက သမီး(၃)ယောက်လုံးကို ဖေဖေကိုတိုင် ကားမောင်းပြီး ကျောင်းလိုက်ပို့နိုင်အောင်
ကြိုးစားရမယ်ဟေ့လို့ ပြောခဲ့တယ်။



နောက်နေ့တော့ ဂျစ်တူးစိတ်ကျေနပ်အောင် အဘွားအိမ်က လိုင်းကားကြီး ခဏငှါးပြီး
“သမီးကားပေါ်တက် ဖေဖေကိုယ်တိုင် ကားမောင်းပို့မယ် ”ဆိုပြီး ကျောင်းပို့ခဲ့တယ် ။
ကျောင်းရောက်တော့ ဖေဖေက “သမီးလေး ဒါက အစမ်းကျင့်တာနော် ၊ ဖေဖေကားဝယ်
ဘို့ ကြိုးစားနေပါတယ်”လို့ ဂျစ်ကို မျက်စိတစ်ဖက် မှိတ်ပြတယ် ။ ဒါပေမဲ့ ဂျစ်အဲ့ဒီနေ့က
သိပ်ပျော်တာပဲ ၊ တို့ဖေဖေ ကျောင်းကို ကားနဲ့လိုက်ပို့တယ်လို့ပေါ့ ။


ဂျစ်(၁၁)နှစ်သမီးအရွယ်မှာ ဖေဖေရောမေမေ နှစ်ယောက်လုံး နိုင်ငံခြားမှာ ပိုက်ဆံရှာကြတယ် ။
ဂျစ်(၁၅)နှစ်မှာ ဖေဖေကိုယ်ပိုင်ကား ၀ယ်ခဲ့တယ်။ ဂျစ်တို့ကို နေ့တိုင်းကျောင်းကြို၊ကျောင်းပို့
ဖေဖေ အလုပ်ရသွားတယ် ။ ဖေဖေ ဂျစ်တို့ကို ချစ်တာကတော့ ဘေးကလူတွေ အမြင်ကပ်
လောက်တယ် ။ ဖေဖေက သမီးတွေအတွက်ဆို လိုအပ်ရင် အသက်တောင် ပေးရဲတယ်လို့
မေမေကို ခဏခဏ ပြောဘူးတယ်။ ဖေဖေကို လေးစားမိတာက မိသားစုရဲ့လိုအင်တွေကို
အချိန်မရွေး ပေးဆပ်ခဲ့တာပါပဲ ။


ဂျစ်တူးတို့ နှစ်ပတ်လောက် ဖုန်းမဆက်သွားရင် ဖေဖေ နေလို့ထိုင်လို့ မရဘူးလို့ မေမေ
အမြဲပြောတယ် ။ ဖုန်းကိုလဲ တကြည့်ကြည့်နဲ့တဲ့ ။ ဂျစ်တို့ တော်တော်ကြာမှ ဖုန်းဆက်သွားရင်
အရင်စပြောတာကတော့ သမီးတွေက နေနိုင်တယ် ၊ ဖေဖေ့ကို သတိမရကြဘူးပေါ့ ဆိုပြီး
ငိုသံပါနဲ့ ပြောတတ်တယ် ။ ဖေဖေက ပြောတတ်တာကတော့ ပြန်လာတော့ သမီးတို့ရာ ၊
ငွေတွေလည်း မရှာကြပါနဲ့တော့ ၊ ဖေဖေ သမီးလေးတွေကို လွမ်းလှတယ်လို့ ပြောတတ်တာ
ပါပဲ ။ ဖေဖေ့ အပြောက ဘေးကသူတွေ ကြည့်ရင် အဖြစ်သည်းတယ်ပေါ့ဗျာ။ ဖေဖေက
ဂျစ်တို့ငယ်ငယ် မေမေနိုင်ငံခြားစထွက်ချိန်ကစပြီး ဖေဖေပဲ အမေနေရာကို ၀င်ခဲ့ရသူပါ ။



အမှတ်တရ မနက်ဖြန်မှာကျရောက်တဲ့ အဖေများနေ့အတွက် ဒီပို့စ်လေးကို ရေးမိပါတယ် ။
ဖေဖေရေ သမီး... ဖေဖေ့ကို သိပ်ချစ်ပါတယ်........ဖေဖေ ကျန်းမာပျော်ရွှင်ပါစေ ။
ဖေဖေ သမီးဒီပို့စ်လေးကို ဖတ်ရရင် မောခဲ့ရတဲ့ ဘ၀အမောတွေ ပြေပါစေနော် ။
ဖေဖေ့ကြောင့် သမီးတို့ လူတန်းစေ့နေနိုင်ခဲ့ရသလို ၊ ပညာတွေလဲ သင်ယူနိုင်ခဲ့တယ်။
ကျေးဇူးကြီးပါတယ်...ဖေဖေ.....謝謝您 爸爸........ 父親節快樂 !!

အသက်တမျှ

လူငယ်ဘ၀ရဲ့ သိတတ်စမှာ
ရင်ခုန်သံဖျော့ဖျော့
ပေါ့ပေါ့ပါးပါး စိတ်ကူးများနဲ့
ဖြူစင်စွာပဲ ပျော်မြူးခဲ့တယ်.....။

ဒီလိုနဲ့
အချစ်ဆိုတဲ့စကားလုံး
စာလုံးပေါင်းတတ်ရုံရှိသေး
ငါ့ဘ၀လေးထဲ မင်းဝင်လာတယ်။

ဖြူစင်ခြင်းဟာပျောက်ဆုံး
ခေါင်းအုံးအောက်က ဒိုင်ယာရီမှာ
သူသာနတ်သမီးဖြစ်ခဲ့တယ်....။

တစ်ရက်ပြီးတော့ နောက်တစ်ရက်
စွဲလမ်းခြင်းတွေပြည့်ကျပ်
အိပ်စက်ခြင်းဟာညဉ့်နက်
အိမ်မက်တွေသာထပ်နေခဲ့ရင်း
နံနက်ခင်းလည်းမင်းပါပဲ ။

ငါ့အတွက်တော့
ကုန်ဆုံးသွားတဲ့နေ့ရက်တိုင်းမှာ
ချစ်တတ်ခြင်းသာရင့်ကျက်
နှုတ်ခမ်းတွေခြောက်ကပ်
ပြောမထွက်ခဲ့ဘူး ......။

ဟိုအဝေးမှာငေး..........ငါဆွေးတတ်သလို
အနားတိုးရင်......ပိုဆိုးပြန်တယ် ။
စိုးရိမ်ရေမှတ်....ဒီရေတက်သလို
ငါ့ရဲ့အချစ်တွေ မရပ်ခဲ့ဘူး။

ဖြစ်နိုင်မယ်ဆို
စွဲလမ်းခြင်းကို တောင်ပံတပ်
အိမ်မက်ကိုဇက်ကြိုးဆွဲပြီး
မင်းနှလုံးသားထဲ ပျံဝဲချင်တယ်။

ဒီအရွယ်ရဲ့ လွယ်အိတ်ထဲမှာ
ကျောင်းစာအုပ်ဟာ ကွက်လပ်
ချစ်တတ်ခြင်းသာ ပြည့်ကျပ်ခဲ့တယ် ။

တိတ်တဆိတ်နဲ့
ချိတ်ပိတ်ခဲ့တဲ့
ရင်ခုန်သံဟာ....သုံးနှစ်ကြာလည်း
လတ်ဆတ်ဆဲပေါ့ ။

တဖက်သတ်စွဲရုံနဲ့တော့
ရက်စွဲတွေသာကုန်သွားလိမ့်မယ်။
ဒီဘုံဘ၀မှာ ဆုံရမှာမဟုတ်ဘူး။
အုံကြွလာတဲ့ စွဲလမ်းခြင်းမှာ
ကိုယ့်ဘာသာ အားတင်းလျှက်
မင်းအနားကိုတိုးကပ်
ချစ်ခဲ့သမျှတွေ ဖွင့်ပြောမိတယ် ။

“မြတ်နိုးပါတယ်”ကိုယ့်စကား
သူ့နား ထဲမှာစွဲနေပါ့မလား။
ရင်ခုန်သံတဆတ်ဆတ်နဲ့
စိုးရိမ်တတ်ခဲ့
နယူတန်ရဲ့(တတိယ)နိယာမ
ငါသတိရတယ်.................။
ငါ့ရဲ့အချစ်စစ်မှန်ခဲ့ရင်
သူ့ထံကပြန် အချစ်မှန်မယ် ။


မြတ်မြတ်နိုးနိုး မျှော်ကိုးနေရင်း
အချစ်ရဲ့ ပျိုးခင်းပွင့်ခဲ့ပြီ ။
ရင်ခုန်သံတွေ ချိုမြ
အိမ်ပြန်လမ်းဟာ တောက်ပလွန်းတယ် ။

*ချစ်သူကို အနားမှာထား.............ဟိုအဝေးလည်း မသွားချင်ဘူး ။
*ချစ်သူရဲ့ အနားမှာကပ်..............တစက္ကန့်တောင်မလပ်ချင်ဘူး ။
*ချစ်သူရဲ့ အနားမှာနေ.................ဘယ်ဘ၀မဆို ငါနေပါ့မယ် ။
*ချစ်သူရဲ့ အနားမှာရှိ................မိုးပြိုကျတောင် ထမကြည့်ချင်ဘူး။
ဘာပဲဖြစ်ဖြစ်
*ချစ်သူသာငါ့ဘ၀ .......အသက်တမျှ....ထာ...၀....ရ...ပါပဲ....( ) ။


ဂျစ်ဘ၀မှာ သိပ်နှစ်သက်ခဲ့ရတဲ့ ကဗျာလေး တစ်ပုဒ်ပါ ။
ချစ်သူ“မောင်”ရေးဖွဲ့သည်။

နွေရာသီ သင်တန်း

လွန်ခဲ့တဲ့ သုံးလကျော်လောက်က ဂျစ်ဖေဖေ မျက်စိမှုန်ဝါးဝါး ဖြစ်ပြီး
မျက်ရည်ပူတွေကျလို့ မျက်စိဆေးခန်း သွားပြခဲ့တယ် ။ဆေးခန်းမှာ
ဆရာဝန်က စမ်းသပ်တော့မှ မျက်စိမှာ တိမ်ဖြစ်နေမှန်း သိခဲ့ရတယ်လေ။
မျက်စိကတိမ်က ခွဲစိတ်မှ ကောင်းနိုင်မယ်လို့ ဆရာဝန်ကပြောပါတယ် ...။



ဒါပေမဲ့ ဂျစ်ဖေဖေမှာ ဆီးချိုရှိလို့ မခွဲဖြစ်သေးပါဘူး ။ ဆရာဝန်က ဆီးချိုကျအောင်
သောက်ဆေးပေးတဲ့အပြင် ၊ အစားအသောက် ကိုပါရှောင်ခိုင်းပါတယ် ။ ဆီးကျို
ကျသွားမှ မျက်စိခွဲလို့ ရမယ်လို့ ပြောခဲ့ပါတယ် ။ ဆရာဝန်က နေပူထဲမှာ ထီးမပါ ၊
ဦးထုပ် မစောင်းဘဲ လျှောက်သွားတတ်ရင်လဲ မျက်စိကိုထိခိုက် စေတဲ့အကြောင်းရယ် ၊
ဒီလိုအသက်အရွယ်မှာ အများဆုံးဖြစ်လေ့ရှိ တတ်ကြောင်း ဖေဖေကိုရှင်းပြခဲ့ပါတယ် ။
မျက်စိတိမ်ဖြစ်ရခြင်း အကြောင်းအရင်းရဲ့ ရာခိုင်နှုန်းများများက နေပူထဲမှာ အမှတ်တမဲ့
သွားခဲ့တာတွေကြောင့်လို့ ဆိုပါတယ်။



ဂျစ်တို့ငယ်ငယ်ထဲက မပြေလည်ခဲ့တော့ ဖေဖေက မိသားစုအတွက် နေပူမိုးရွာမရှောင် အလုပ်လုပ်ခဲ့သူပါ ။
နေပူထဲမှာလဲ ကားစပယ်ရာ လုပ်ဘူးတယ် ၊နေပူထဲမှာလဲ post manလေးလုပ်ခဲ့ဘူးတယ် ။
နေပူထဲမှာလဲ ဆိုက်ကားနင်းဘူးတယ်၊ နေပူထဲမှာလဲ မြင်းလှည်းမောင်းဘူးခဲ့တယ် ။ နေပူထဲမှာ
လဲ မေမေ့အထည်ဆိုင် အတွက် ရန်ကုန်ကနေ အထည်ထုတ် ထမ်းပြီး ဘ၀အတွက်
ရုန်းကန်ခဲ့ရသူပါ ။နေပူတာက ဖေဖေ့အတွက် ဘာမှမဟုတ်ပါဘူးလို့ ဖေဖေယူဆခဲ့တယ်လေ။
နေပူမှန်း သိသိနဲ့ ခဏလေးပါဆိုတဲ့ စိတ်လေးကြောင့် တဖြေးဖြေး မျက်စိထိခိုက်ပြီး မျက်စိတိမ်ဖုံး
သွားခဲ့ရတယ် ။



နောက်တစ်ယောက်က ဂျစ်တူး ကျောင်းသူဘ၀က မျက်စိမမြင်တဲ့ ဦးလေးကြီး တစ်ယောက်နဲ့
ရင်းနှီးခဲ့တယ် ။ အဲ့ဒီဦးလေးက အသက်ကြီးမှ မျက်လုံးကွယ်ခဲ့တယ်လို့ သူပြောပြခဲ့လို့ သိခွင့်ရခဲ့တယ် ။
အဲ့ဒီဦးလေးကြီးက နေပူထဲမှာ အလုပ်မျိုးစုံ လုပ်ခဲ့ဘူး တယ်တဲ့ ၊နေပူမရှောင် မိုးရှာမရှောင် ဈေးထွက်ရောင်းခဲ့
တယ်၊ လယ်ထွန် ကောက်စိုက်ဘူးတယ် ၊ နောက်ပိုင်း မျက်လုံးထိခိုက်ပြီး မျက်လုံးကွယ် သွားတဲ့အထိ
ဇြစ်ခဲ့ရတယ် ။အဲ့ဒီဦးလေးကြီးက ဂျစ်ရဲ့ ခင်မင်သော သူငယ်ချင်းထဲက တစ်ယောက်သောသူရဲ့
ဦးလေးပါ ။သူ့အိမ်ကိုသွားပြီး သူငယ်ချင်းတွေ စာသွားကျက်တဲ့အခါတိုင်းမှာ ဦးလေးကြီးက
မျက်လုံးမမြင်ပေမဲ့ အမြဲပြောတတ်တာကတော့ “နေပူတယ်နော် .....ထီးစောင်းကြ ၊
ထီးပါရဲ့လား.....”လို့အမြဲ သတိပေး တတ်တာပါပဲ ။


အဲ့ဒီအချိန်က လူကြီးတစ်ယောက်က စိတ်ပူလို့ သတိပေး တာလို့ပဲ ပေါ့ပေါ့လေး နေခဲ့တယ် ။
ဂျစ်ဖေဖေ မျက်စိတိမ်ဖြစ်တယ်လို့လဲ သတင်းလဲကြားရတော့ ရင်ထဲမှာ ထိတ်လန့်မိတာ အမှန်ပဲ ...
ဖေဖေက အိမ်ကကားကို နေ့လည်ပိုင်းမှာတောင် မမြင်တမြင်နဲ့မောင်းနေမှန်း သိသွားတယ် ။
ဖေဖေက ဂျစ်တို့ စိတ်ပူမှာဆိုးလို့ “မျက်စိက နည်းနည်းဝါးတာပါ ”ရပါတယ်ပဲ ပြောခဲ့တယ် ။
ဂျစ်ဒီတစ်ခေါက် မြန်မာပြည် ပြန်သွားတော့ ဖေဖေက ကားမောင်းပြီး ရန်ကုန်က ဘုရားအစုံ လိုက်ပို့တယ်။
နေ့လည်ဘက် ဂျစ်တူးတို့ အိမ်အပြန်မှာ ကားတိုက်မလို ဖြစ်ခဲ့တယ် ....။ ဖေဖေက မျက်စိဝါးသွားလို့ပါလို့
ဂျစ်တို့စိတ်ကျေနပ်အောင် ပြောခဲ့တယ်လေ။


နောက်နေ့တွေမှာ ဖေဖေ့မျက်လုံး မကောင်းတာ ပိုသိသာလာတယ် ။ ဖေဖေက “ဒီနေ့
ဖေဖေ ကားမမောင်းဘူး သမီးတို့ရယ် ၊ driver နဲ့သွားတော့နော် ”လို့ပြောရှာတယ် ။
အဲ့ဒီအချိန်ထိ ဖေဖေမျက်လုံးတိမ်ဖြစ် နေမှန်းမသိဘူး ။ ဖေဖေ မနေ့က ကားတိုက်မလို
ဖြစ်ခဲ့လို့ ကားမမောင်းတာလို့ ထင်ခဲ့မိတယ် ။ နောက်ရက်တွေမှာ ဖေဖေမျက်လုံးက
မျက်ရည်ပူတွေ ကျကျလာတယ် ၊မျက်နှာသုတ်ပုဝါလေးနဲ့ မျက်လုံးကို သုတ်နေတာ
တွေ့မိတယ် ....။ဖေဖေ မျက်လုံးဘာဖြစ်လို့လဲ ဆေးခန်းသွားပြရအောင် ပြောတော့လဲ
ဘာမှမဖြစ်ပါဘူးလို့ ဆိုပြီး ငြင်းနေတယ် ။



ဖေဖေက ခေါင်းမာတယ်လို့ မေမေက ခဏခဏပြော သလို ၊ ဂျစ်တို့တွေလဲ မေမေပြော
တာလက်ခံခဲ့တယ် ....။ဖေဖေကို မျက်စိဆေးခန်း သွားပြဘို့ တိုက်တွန်းပေမဲ့ မသွားခဲ့ဘူး ။
ဂျစ်ထိုင်ဝမ် ပြန်ပြီး တော်တော်ကြာလောက်မှ ဖေဖေ့ မျက်စိသိသိ သာသာ မမြင်ရလို့
ဆရာဝန် သွားပြခဲ့တာသိခဲ့တယ် ။ ဖေဖေ မျက်စိ တော်တော်ဆိုးနေပါပြီ ၊ မျက်လုံးက ၀ါးပြီး
သိပ်မမြင်ရတော့ပါဘူး ။


အဲ့ဒီကမှ ဂျစ်မျက်စိနဲ့ ပက်သက်တဲ့ ကာကွယ်နည်းလေးတွေ internet မှာ ရှာဖွေဖတ်
ဖြစ်ခဲ့တယ် ။ တကယ်လို့များ နေပူထဲမှာ ဘ၀အတွက် ရုန်းကန်နေကြရတဲ့ မောင်နှမများ
၊ နေပူတဲ့အချိန် အပြင်ခဏလေး ထွက်တတ်တဲ့ မောင်နှမများကို ၊ဂျစ်တူးသိသလောက်
မျက်လုံးလေးကို ကာကွယ်တတ်ဘို့ သတိပေးချင်ပါတယ် ...။နေပူထဲကို သွားတဲ့အခါ အသားအရည်
မပျက်စီးရအောင် မမေ့မလျော့ နေပူခံ ခရင်(UV )လိမ်းဘို့မမေ့ပါနဲ့ အရေပြား ကင်ဆာဖြစ်မှာ ဆိုးရိမ်လို့ပါ ။
ပြီးတော့ UVပါတဲ့ ထီးလေးစောင်းပါ ၊ UVပါတဲ့ နေကာမျက်မှန် တတ်ဘို့လဲ မမေ့ပါနဲ့ ။


နေကာမျက်မှန် ရွေးခြယ်တဲ့နေရာမှာ အပြာရောင်နဲ့ ခရမ်းရောင်ကို ရှောင်သင့်ပါတယ် ။
ဘာလို့လဲဆိုတော့ မရမ်းလွန်ရောင်ခြည်ကို မကာကွယ်နိုင်လို့ပါ ....။ ဒါကြောင့် နေကာ
မျက်မှန်ကို မီးခိုးရောင် ၊ အညိုရောင်ဖျော့ဖျော့ ၊အမဲရောင်ဘက် သန်းတဲ့ အစိမ်းရောင်
လေးတွေကို ရွေးချယ်သင့်ပါတယ် ..........အဲ့ဒီအရောင်လေးတွေက နေရောင်ခြည်ကို
ကာကွယ်ပေးတဲ့ အပြင် ၊မျက်လုံးက မြင်ရတဲ့ ပစ္စည်းလေးတွေက ကြည်ကြည်လင်လင်
ကွဲကွဲပြားပြား ရှိလို့ သိသလောက် အကြံဥာဏ် ပေးချင်ပါတယ် ......။


နေကာမျက်မှန် သွားဝယ်ဖြစ်ခဲ့ရင် UV ဘယ်လောက်ပါတယ် ဆိုတာ စမ်းသပ်ပြီးမှ
ဝယ်ယူဘို့ မမေ့ပါနှင့် ။ UV 400 ပါမှ မရမ်းလွန်ရောင်ခြည်ကို ကာကွယ်နိုင်မှာပါ ။
နေပူတဲ့အခါ ခရမ်းလွန်ရောင်ခြည်က ပြင်းထန်လွန်းတော့ မျက်စိကို ထိခိုက်စေပါတယ် ။
ဒါကြောင့် ဂျစ်ချစ်ခင်ရတဲ့ မောင်နှမများကို ဂျစ်သိသလောက် ၊မှတ်သလောက်
သိကောင်းစရာလေးတွေ မျှဝေလိုက်ရပါတယ်။


နွေရာသီမှာ အသားမည်းမှာ စိုးရိမ်လို့ UV ခရင်လိမ်းဘို့ မမေ့တတ်ကြသလို ၊
မျက်လုံးလေး မထိခိုက်အောင်လဲ ထီးစောင်း၊ ဦးထုတ်စောင်းပြီး ဒီထက်ပိုလှသွားအောင်
နေကာမျက်မှန်လေး တတ်ဘို့လဲမမေ့ကြပါနဲ့လို့ ချစ်ခင်တဲ့စိတ်နဲ့ နှိုးဆော်လိုက်ပါတယ်။


ချစ်ခင်စွာဖြင့်
ဂျစ်တူးလေး

နတ်ကြေ

ဒီနေ့ မနက်(၈)နာရီကျော်လောက်က officeမှာ တရုန်းရုန်း ဖြစ်နေကြပါတယ် ....။
ဘာလို့လဲဆိုတော့ ဒီနေ့ နေကြတ်တာကို (၉)နာရီကနေ (၁၀)နာရီအတွင်း သေသေချာချာ
မြင်နိုင်မယ်လို့ သတင်းဋ္ဌာနက ကြိုတင်ကြေညာ ထားသောကြောင့် အလုပ်စတက်တဲ့
အချိန်ထဲက မငြိမ်သက်ပဲ ဒီအကြောင်းပဲ ဆွေးနွေးနေဖြစ်ကြတယ် ....။

“နေ”ကို“လ”က အပြည့်ဖုံးမယ့် အချိန်က ထိုင်ဝမ် စံတော်ချိန် (၉း၃၃မိနစ်မှ ၉း၄၀မိနစ်)
အတွင်းမှာ တွေ့ မြင်ကြရပါတယ် ။ ဂျစ်တူးလဲ (၉း၀၀)ထိုးတော့ ရုံးအပြင်ကို ခဏသွား
ကြည့်လိုက် အလုပ်လုပ်လိုက်နဲ့ နေရာမရဖြစ်နေတယ် ...။

ပြီးတော့ နေကြတ်တာကို မျက်စိကို အကာအကွယ် မရှိဘဲကြည့်ရင် မျက်စိပျက်တတ်တယ်လို့
အလုပ်က အန်တီ ကပြောလို့ မြန်မြန်အလုပ်နေရာကို ပြန်ပြီး နေကာမျက်မှန် ဘယ်သူ့ဆီပါလဲ
လိုက်မေး ကြည့်မိတယ် .....။နောက်တော့ 3.5DiSC မှာပါတဲ့ coverလေး ဒါမှမဟုတ် ဓါတ်ပုံဖလင်နဲ့
ကြည့်ရင်မြင်တယ်ဆိုလို့ ပြေးလွှားယူပြီး ကြည့်တော့ တသက်လုံးကြာကြာ မကြည့်နိင်ဘဲ
ထွန်းလင်းတောက်ပ နေတဲ့နေမင်းကြီးခမျာ ဒီတခါတော့ ကြက်ဥနှစ်ရောင် လခြမ်းပဲ့လေးပုံစံမျိုးမြင်လိုက်ရတယ် ....။

ဂျစ်တူး တစ်ခါမှ နေကြတ်တာ မမြင်ဘူးပါဘူး။
ရှားရှားပါးပါး မြင်ခွင့်ရလိုက်ရတော့ ကြည်နူးသွားတယ် ။
ဒီလို “နေ”နဲ့“လ”တစ်ထပ်တည်း အပြည့်အ၀ ကျဘို့ မြင်ချင်ရင် နောက်အနှစ် ရာကျော်စောင့်မှ မြင်ရမယ်ဆိုလို့
ဒီနေ့ နေကြတ်ခြင်းကို မြင်လိုက်ရတော့ ကျေနပ်သွားမိတယ် ။

နေကြတ်တာကို အာရှမှာ ရှိတဲ့ ဘလော့ဂါသူငယ်ချင်းတော်တော်များများ မြင်လိုက်ရနိင်ပေမယ့်
အိပ်ပျော်နေပြီး နေကြတ်တာကို မမြင်လိုက်ရတဲ့ ချစ်သူမောင် အတွက်မြင်စေချင်တဲ့ ဆန္ဒရယ်
လုပ်ငန်းခွင်ကို ရောက်ရှိနေတဲ့ မောင်နှမသူငယ်ချင်းများ အတွက်ရည်ရွယ်ပြီး yahoo ကနေ
ပုံလေးများစုဆောင်း တင်ပြလိုက်ရတာပါ....။

နေကြတ်တဲ့ ပုံလေး

ရှန်ဟိုင်းမှာ အမှောင်ကျသွားတဲ့ ပုံလေးပါ ။

မှားယွင်းသွားသော.....formula

မှားယွင်းမှုတွေ

စခဲ့ချိန်မှာ

တက်ကြွစိတ်နဲ့

လူတကာထက်

သာချင်ခဲ့တယ်.....။

ဒီိလိုနဲ့ပဲ

လေ့လာရင်းနဲ့

အရာရာကို

နားလည်လာတယ် .....။

မော်ဒန်ခေတ်မှာ

လူဖြစ်ခဲ့လည်း

နောက်ဆုံးမှာတော့

ချစ်သူကိုတောင်

ဘာသာမပြန်နိုင်ခဲ့ ..........။

(၂၀၀၁.၁၀.၀၁)ချစ်သူ“မောင်”ရေးဖွဲ့သည်....။

ဒီကဗျာလေးက (၁၀)တန်းနှစ်စ ကတည်းက ရေးခဲ့တာပါ ။

ချစ်သူလေး “ဂျစ်”ရဲ့ ခေါင်းမာမှုကို နိမိတ်အဖြစ်ရေးခဲ့မိတယ် ။

ချစ်ခင်စွာဖြင့်
ဂျစ်

သင့်ရဲ့ တစ်နေ့တာ

ဂျစ်တူး ချစ်ခင် လေးစားရသော မောင်နှမများ “ချမ်းသာကိုယ်စိတ်မြဲပါစေ ”။

အခုရက်ပိုင်း ရုံးမှာ အလုပ်များလို့ ရေသောက်ဘို့ မေ့လျော့ နေခဲ့ပါတယ် ။
ပြီးခဲ့တဲ့ရက်ပိုင်းက ကျောအောင့်နေတာနဲ့ ဆေးခန်းပြမယ်ဆိုပြီး အလုပ်က မန်နေဂျာဆီက

ခွင့်ယူချင်တယ်လို့ သွားပြောတော့ ...သူက ဂျစ်ကို တနေ့ရေ(၈)ခွက် သောက်နည်းကို
ပြောပြခဲ့တယ်...ဒါ့အပြင် ရေသောက်လို့ ရရှိနိုင်တဲ့ကောင်းကျိုးနဲ့ ဆိုးကျိုးပါတဲ့ စာရွက်လေးကိုပါ
ဖတ်ဘို့ပေးခဲ့တယ်လေ ။


သူက ဂျစ်တူး ကျောအောင့်တာ ရေသောက်နည်းလို့ ကျောက်ကပ်မကောင်းတာလည်း

ဖြစ်နိုင် တယ်လို့ ပြောပါတယ် ။ ဆေးခန်းပြဘို့ဆို ခက်ပျင်းပျင်း ရှိတတ်တဲ့ ဂျစ်တူးလည်း

သူပေးတဲ့နည်း လမ်းလေး အတိုင်း ရေကိုတနေ့(၈)ခွက် ပုံမှန်သောက်ခဲ့ပါတယ် ။

နောက်တရက်လောက်ကြာတော့ ကျောပြင်အောင့် တာ သိသိသာသာ သက်သာသွားပါတယ် ။

ဒါနဲ့ပဲ ဂျစ်တူး ခင်တဲ့ မိတ်ဆွေတွေကို ကျန်းမာအဆင်ပြေချင်စိတ်နဲ့ “ တစ်နေ့တာ...ရေ(၈)ခွက် ”

အကြောင်း ဝေမျှဘို့ ဒီပို့စ်လေးရေးဖြစ် သွားရပါတယ် ။


ဘာကြောင့် တစ်နေ့တာ...ရေ(၈)ခွက် သောက်ဘို့ လိုအပ်သလဲ ဆိုရင်..
လူရဲ့ ခန္ဓာကိုယ်ထဲမှာ ရေဓါတ်က ၉၀% ကျော်ပါဝင်တယ် တဲ့။အသက်တွေ ကြီးလာလေ
ရေဓါတ် ဆုံးရှုံးမှု ပိုများပြီး ၊ ကလေးငယ်တွေ မှာတော့ ရေဓါတ်က (၁၀)ပုံပုံရင်
(၉)ပုံထက်မနည်း ရှိလို့ အသားအရေ စိုစိုပြေပြေ ဖြစ်နေတာလို့ ဆိုပါတယ် ။

ကျန်းမာရေး အတွက် ရေသောက်နည်း
အကောင်းဆုံး ရေသောက်သုံးတဲ့ နည်းလေးကတော့ .....ပျမ်းမျှအားဖြင့် (၂၀၀~၂၅၀ ml)
ရှိတဲ့ ရေတစ်ခွက်ကို တခါတည်းနဲ့အကုန် သောက်နိုင်ရင် အကောင်းဆုံးပါ ။ တဆက်ထဲ
မသောက်နိုင်ရင်တောင် (၅)မိနစ်အတွင်း ကုန်အောင်သောက်သင့် ပါတယ် ။ဒါမှခန္ဓာကိုယ်က
ရေဓါတ်ကို ပုံမှန်လက်ခံထားနိုင်မှာပါ ။ ရေငတ်မှ တငုံ ၊နှစ်ငုံ သောက်လိုက် မသောက်လိုက်
က ခန္ဓာကိုယ် ရေဓါတ်လက်ခံနိုင်စွမ်းအတွက် မထူးမခြားနား ဖြစ်မှာသေချာပါတယ် တဲ့လေ..။

ရွေးချယ် သောက်သုံးသင့်သည့် ရေ
ရေသန့်ကို သောက်သုံးသင့်သလို ၊ ရေကို ကျိုချက်သောက်သုံးပါ ။ နွေရာသီမှာ လူတွေ
အများစုက ရေခဲရေကို နှစ်နှစ်ခြိုက်ခြိုက် ရွေးချယ်သောက်သုံး ကြပါတယ် ။ တကယ်တော့
ရေခဲရေဟာ အစာအိမ် အလုပ်လုပ်ခြင်းကို အနှောက်အယှက် ဖြစ်စေပါတယ် ။ ရေကို
ရေကျက်အေး သို့မဟုတ် ရေနွေးနွေးလေး သောက်သုံးခြင်းအားဖြင့် ကျန်းမာရေးအတွက်
ကောင်းသလို အစာချေဖျတ်မှုအားလည်း ကောင်းစေပါတယ်၊ တနည်းအားဖြင့် အစာကြေလွယ်ကူ ပါတယ် ။

အစာ မစားမှီ ရေသောက်ခြင်း
ရေသောက်တာတော့ အချိန်မရွေး နေရာမရွေး သောက်သုံးလို့ ရပါတယ် ။ အများအားဖြင့်
ရေကိုငတ်မှ သောက်တတ်တဲ့ အကျင့်က မကောင်းတဲ့အကျင့်လေးပါ ။ ဖြစ်နိုင်ရင် ရေကိုအစာမစားမှီ
သောက်သုံးသင့်ပါတယ် .....ဒါမှအစာအိမ် လမ်းကြောင်းရှင်း သွားပြီး အစားအစာထဲမှာ ပါဝင်တဲ့
အဟာရကို တိုက်ရိုက် လက်ခံထားဘို့ လွယ်ကူပါလိမ့်မယ် ။

အလုပ်တက်နေသော သူများ ရေသောက်ဘို့ မေ့လျော့တတ်ခြင်း ၊ အလုပ်မှာအိမ်သာ ခဏခဏ
သွားရတာ အလုပ်ရှုတ်တယ် ထင်သူများဟာ ရေကိုများများ သောက်လေ့မရှိကြပါဘူး ။

အချိန်ကြာလာလျှင် ဆီးအောင့် ၊ ဆီးကျင်ခြင်း ၊ ခါးနာခါးအောင့် ၊ကျောက်ကပ်မှာ ကျောက်တည်ခြင်းများ

ဖြစ်တတ်ပါတယ် ............။ နောက်ဆုံး ကျောက်ကပ်လုံးဝ မကောင်းလို့ ကျောက်ကပ်အစားထိုးရတဲ့

အဆင့်အထိ ရောက်တတ်ပါတယ် ။

ရေကို တနေ့တာ (၂၀၀၀ ml) သောက်ခြင်း အားဖြင့် ၊ ခန္ဓာကိုယ်မှ မသန့်ရှင်းတဲ့ အညစ်အကြေးများ
ဆီးသွားသည့် အခါပါသွားတတ်ပါတယ် ။ အသားအရေလဲ စိုစိုပြေပြေ ဖြစ်နိုင်သလို ၊ အပိန်ကျင့်နေတဲ့
မမလေးတွေအဖို့ မလိုအပ်တဲ့ အဆီ(脂肪)များ ဆီးနှင့်အတူ ရောပါသွား တတ်ပါတယ်။ ဒါကြောင့်
ကျန်းမာရေး အတွက် ရေကို နေ့စဉ်ပုံမှန် သူ့အချိန်လေးနဲ့ သူ သောက်သုံးသင့် ပါတယ် ။

ရေသောက်သင့်သည့် အချိန်
တစ်နေ့တာ အတွက် ရေ(၈)ခွက်သောက်ဘို့ဆိုတာ တကယ်တော့ တော်တော်ခက်ခဲ ပါတယ်။

ကျန်းမာရေးအတွက် ဆိုတော့ စိတ်ပါလက်ပါ လိုက်နာသောက်သုံး သင့်တယ်လို့ ယူဆမိလို့

ကြိုးစားလိုက်နာ ကြပါလို့ အကြံပေးချင်တာပါ။

နံနက်စောစော အိပ်ရာထထခြင်း အချိန် မှာ ရေ ၂ ခွက် သောက်သင့်ပါတယ်တဲ့...
(ဒီအချိန်က ရေသောက်ဘို့ ပိုအရေးကြီးပါတယ်.....မနက်စောစော အပေါ့သွားတဲ့အခါ
ခန္ဓာကိုယ်မှ အညစ်အကြေးတွေ ဆီးနှင့်အတူ ပါသွားနိုင်လို့ပါ ၊နောက်တစ်ခုက ၀မ်းမချုပ်

စေပါဘူး ။)

မနက်(၁၀း၃၀) : ၁ ခွက်
နေ့လည်ထမင်း မစားခင်အချိန် : ၁ ခွက်
ညနေ(၃း၀၀) : ၁ ခွက်
ညနေ(၅း၀၀) : ၁ ခွက်
ညစာထမင်း မစားခင်အချိန် : ၁ ခွက်
ညအိပ်ရာ မ၀င်ခင် (၁)နာရီ အလို : ၁ ခွက်
(ရေတစ်ခွက်ကို ၂၀၀ ~၂၅၀ml )စံထားပြီးသောက်သုံးပါ ။

ဂျစ်တူး သိသလောက် မှတ်မိသလောက် ကြိုးစားပြီး ဘာသာပြန်ထားပြီး ရေးထားတာပါ ။
အကြောင်းအချက်အလက် လိုအပ်တာတွေ မချောမွေ့တာရှိခဲ့ရင် နားလည်ပေးပါလို့
မေတ္တာရပ်ခံပါတယ် ....။ရေသောက်ခြင်းဟာ ကျန်းမာရေးနဲ့ ညီညွတ်တယ်လို့ ကြားဘူးသလို

ရေကိုလိုအပ်တာထက် အလွန်အကျွံ သောက်သုံးခြင်းကြောင့် ရေအဆိပ်တတ်ပြီး အသက်ပါ

ပျောက်ရတဲ့ သတင်းတွေ တွေ့ဖူးပါတယ် ။ဒီပို့စ်လေးက မောင်နှမများ အတွက်အနည်းငယ်ပဲ ဖြစ်ဖြစ်

အကျိုးရှိမယ် ထင်မိလို့ ဘာသာပြန် တင်ပေးလိုက်ရတာပါ ။အသားအရေ လှချင်တဲ့မမများ ၊ ကျန်းမာရေး

လိုက်စားတတ်တဲ့ အကို၊မောင်တွ ၊ အမများ၊ ညီမများ တစ်နေ့တာ ခန္ဓာကိုယ်အတွက် လိုအပ်တဲ့ ရေကို

မမေ့မလျော့ သောက်သုံးကြပါလို့ တိုက်တွန်း ချင်ပါတယ် .......။

ဂျစ်တူး ချစ်ခင်လေးစားရသော မောင်နှမများ ကျန်းမာပျော်ရွှင်နိုင်ကြပါစေဗျာ..................။

လေးစားစွာဖြင့်
ဂျစ်

လောင်းကြေး

တစ်ခါတလေများ
စဉ်းစားမိတယ်
တကယ်လို့များ......ငါသေသွားရင်
ငါချစ်တဲ့သူ
လွမ်းဒဏ်ရာနဲ့
ပြန်လာနိုင်မလား.....သိချင်ပါရဲ့ ။

တကယ်လို့သာ

ပြန်လာမယ်ဆို

ငါ့အသက်ကိုစတေး

လောင်းကြေးထပ်ပြီး

ပြန်ခေါ်လိုက်ချင်.............

ဒါပေမဲ့လည်း

သေ၀ံ့သူရဲ့
မြင်ခွင့်မရှိမဲ့

မျက်ဝန်းတွေအတွက်

ဝမ်းနည်းမိတယ်.........................။

(၇.၃.၂၀၀၁)ချစ်သူ “မောင်”ရေးဖွဲ့သည် ။

ချစ်သူလေး“ဂျစ်”သေသေချာချာ ဖတ်ကြည့်ရင် ရှင်းပြစရာတောင်

မလိုလောက်ပါဘူး ......သိစေချင်တာက အဲ့ဒီလောက်ထိ မင်းကို

လွမ်းတယ် ..............။

ချစ်ခင်လေးစားစွာဖြင့်

ဂျစ်တူး

မုန်းဟင်းခါး....ရောဂါ

“ ဂျစ် ချက်ထားတဲ့ မုန့်ဟင်းခါး ပူပူ နွေးနွေးလေး ”

ဒီအပတ်ထဲမှာ “ဂျစ်” မုန့်ဟင်းခါးလာစား ပါလို့ဖိတ်တဲ့ ဘလော့သူငယ်ချင်း နှစ်ယောက်ရှိပါတယ်.......... ။
ချစ်ခင်ရတဲ့ မမ“ဂျာမုန်းဒန်”နဲ့ ညီမလေး “မြူး”တို့ပါပဲ....။ ( ကျေးဇူးပါနော် )

ဂျစ်တူးကလည်း မုန့်ဟင်းခါးဆို ကြိုက်မှကြိုက် ဆိုတော့ ........အဲဒီမှာ စတွေ့တော့တာပဲဗျို့ ။
ဘလော့သွားလည်ရင်း မုန့်ဟင်းခါး အ၀သွားစား လာတာပေါ့ ။ နောက်တစ်နေ့ ဂျစ် ချစ်သူကို
မမ“ဂျာမုန်းဒန်”နဲ့ “မြူးလေး”အိမ်ကို သွားကြည့်ခိုင်းတာပေါ့.........။

ချစ်သူက ဘလော့မောင်နှမတွေရဲ့ စားချင်စဖွယ် မုန့်ဟင်းခါး တွေတွေ့တော့

“ဂျစ် ဒီအပတ် မုန့်ဟင်းခါး ချက်စားရအောင်တဲ့ ” လေ ။
ဂျစ်ကလဲ ကြာသလားလို့ မမေးနဲ့ .. ချက်မယ်လေ ကောင်းကောင်းပေါ့ .....။
တိုက်တိုက်ဆိုင်ဆိုင် မြန်မာပြည်မှာရှိတဲ့ မေမေက မုန့်ဟင်းခါးချက်ရင်
လွယ်လွယ်ကူကူ ချက်စားနိုင်အောင် ငါးခူနဲ့ဆီသတ် ထားတာလေး
လူကြုံရှိလို့ ထည့်ပေးလိုက်တယ် ။ အဲ့ဒီမှာ မုန့်ဟင်းခါးချက်စားချင်တဲ့ ရောဂါ ရသွားတော့တာပါပဲ ။


မုန့်လုပ်စားရင်လဲ ခင်မင်တဲ့ သူငယ်ချင်းတွေကိုလည်း စားစေချင်တာ
သဘာဝပဲ မဟုတ်လား ....ဒီတော့ ဂျစ်တို့ ထိုင်ဝမ်မှာ ရင်းရင်းနှီးနှီး
ခင်မင်မှုရှိကြတဲ့ ဘလော့ဂါမောင်နှမ တွေကို ဂျစ် သတိသွားရပြန်ရော..........။

ဒါနဲ့ ဘလော့ဂါမောင်နှမများ ဖြစ်ကြတဲ့ .......................
“ကိုမြစ်ကျိုးအင်း ၊ ကိုအဖြူလေး ၊ မမကိကီ ၊ ညီမလေး မေဒီဇာ ၊ မမ၀ါဝါ ၊ ကိုဧပရယ်”
နောက်တစ်ယောက်က “ကိုကြီးသုနြေ”တို့ကို ဖိတ်လိုက်မိပါတယ် ။
“ မမ၀ါဝါ ”ကိုတော့ ကိုအင်း မှတဆင့် ဖိတ်ခဲ့ပါတယ် ။


မမကိကီ နဲ့ မမ၀ါဝါ တို့ နှစ်ယောက်က ဒီနေ့ အလုပ်ကိစ္စလေးတွေ ရှိနေလို့
ဂျစ်အိမ်ကိုလာဘို့ မကျိန်းသေသေးပါဘူး......ဒါပေမဲ့ မုန့်ဟင်းခါးက ဂျစ်တူးကိုယ်တိုင်
ရှယ်ချက်ထားတာ ဆိုတော့ ကိုယ့်အမတွေကို လာစားစေချင်တာပေါ့နော် ။
(ဒီအပတ် မလာနိုင်လဲ ဂျစ်တူး နောက်တစ်ခေါက် ထပ်ပြီး ချက်ကျွေးမှာပါ......။)

ဂျစ်တူး ချစ်ခင်လေးစားရပါသော ဘလော့မောင်နှမများလဲ ဂျစ်တူးလေး
ချက်ထားတဲ့ မုန့်ဟင်းခါး ပူပူနွေးနွေးလေးကို သုံးဆောင်သွားကြ ပါအုံးနော် ။

ဟိုတစ်ခေါက် ဘလောဂါမောင်နှမတွေ တောင်ပေါ်ရှုခင်းသွားကြည့်တော့

မလိုက်ရလို့ မနာလိုဘူးဆိုတဲ့ “ကိုကြီးဖိုးစိန်၊ ကိုကြီးစိတ်စမ်း ၊ ညီမလေးဇော် ”

တို့ မုန့်ဟင်းခါး အ၀စားသွားကြနော်.....။စားစေချင်လို့ ဒီပို့စ်လေးတင်ပေးလိုက်တယ်။

ချစ်ခင်လေးစားစွာဖြင့်

ဂျစ်

မတားရက်ခဲ့သူ.....အကြောင်း

လမရှိတဲ့
ညတချို့မှာ
ကြယ်စင်တွေကို
ငေးမောရင်းနဲ့....
(ငါတို့)
ဝေးရခြင်းကို
နှမျောမိတယ်.......။

တကယ်ဆိုရင်
ငါ့အချစ်ကြိုးတွေနဲ့
အုပ်မိုးထားချင်လည်း
ချစ်သူမျက်နှာ
နွမ်းမှာစိုးလို့
အလွမ်းတစ်ပုဒ်နဲ့
လဲခဲ့သူပါ........။


အခုတော့ ချစ်သူ....ရယ်
(တကိုယ်ရေ)
ငါ့အခန်းမှာ
အလွမ်းငွေ့တွေ
ပြည့်နေတာကို
မြင်စေချင်တယ်......။

(၂၀၀၁.၁.၂၁) မောင်ရေးဖွဲ့ခဲ့သည် ။
( ချစ်သူ“ဂျစ်တူး”ရေ (၂၀၀၁)ခုနှစ်ရဲ့ ပထမဆုံးရေးဖြစ်တဲ့ ကဗျာပါ ။
ချစ်သူ မြန်မာနိုင်ငံက ထွက်ခါနီးတုန်းက ကိုတားဆီးချင်တဲ့ စိတ်တွေ
ပြင်းထန်နေပေမဲ့ ၊ မင်းရဲ့ဘ၀တိုးတက်ဘို့ကို မြင်ယောင်ပြီး စိတ်လျှော့
ခဲ့ရတယ် ။ ပြီးတော့ ဒီလောက်အထိ ခံစားရမယ်မှန်း မသိသေးဘူးလေ ။
အလွမ်းဆိုတာ မခံစားဘူးလို့ပါ ။ သေချာတာက ချစ်သူမရှိရင် မနေတတ်
မှန်း သိနေပေမဲ့ အားလုံးအဆင်ပြေဘို့ ကိုမတားဖြစ်ခဲ့ဘူး။
မင်းကို သိပ်ချစ်ခဲ့ရလို့ အလွမ်းတွေနဲ့ လဲလှယ်ခဲ့ရတယ် ....။)

***ဒီကဗျာလေးက မောင် ကျမအတွက် ရည်ရွယ်ပြီး ရေးစပ်ခဲ့တဲ့ ကဗျာလေးပါ ။***
အကြာကြီး ဝေးရမယ်ဆိုတာ သိသိနဲ့ မောင်ဟာ ကျမရဲ့ဘ၀လေး
တိုးတက်စေချင်တဲ့ စေတနာနဲ့ ...ထိုင်ဝမ်သွားဘို့ မတားခဲ့ပါဘူး။
မောင် ကျမကို သိပ်လွမ်းတယ် ဆိုတာ ယုံကြည်ခဲ့ပါတယ်.......၊
ခုလို internetတွေ မြန်မာပြည်မှာ သုံးလို့မရတဲ့ အချိန်မျိုးမှာ ....
မောင်ကျမ အတွက် စာတွေရေးပြီး လစဉ် ပျမ်းမျှ (၃)စောင်
ရအောင်ရေးပို့ ပေးခဲ့သူပါ ....။ နေ့ထူးနေ့ရက်လေးတွေ ...အမှတ်တရ
နေ့လေးတွေ ....အထိမ်းအမှတ်နေ့လေးတွေ ...မှာတော့ ကဗျာလေးတွေ
ရေးပြီး ပို့ပေးခဲ့တာပါပဲ...............။


ချစ်ခင်လေးစားစွာဖြင့်
ဂျစ်

ဘ၀ အပိုင်းအစလေးများ(၃)

ဂျစ်တူး (၁၃)နှစ်အရွယ် ထိုင်ဝမ်မှာ ကျောင်းနေတုန်းက ပထဦးဆုံး တရုတ်စာကို ကလောင်ရေးရတယ် ။အဲဒီနေ့လေးကို ဂျစ် ဘ၀မှာ မှတ်မှတ်ရရ ဖြစ်ခဲ့ရတယ် .....။
ဂျစ်တူးတစ်ယောက် ကတော့ ဒီနေ့ ကလောင် စရေးရမှာ ဆိုတဲ့ အတွေးတွေ
စိတ်ထဲရောက်နေတော့ ရင်တွေမော ရတယ်ပေါ့ဗျာ........။ တရုတ်စာကို ရိုးရိုး
ဘောပင်နဲ့ရေးရင်တောင် ကိုယ့်လက်ရေးကို ဂျစ်ကိုယ်တိုင် ကြည့်ရင် စိတ်ညစ်နေရတာ ။
ခုဟာက မှင်ဆေးနဲ့ကလောင် ရေးရမယ်ဆိုတော့ ဘယ်လိုဖြစ်မလဲဆိုပြီး......တွေးတောင်
မတွေးရဲဘူး...။


ဂျစ်တို့က အတန်းထဲမှာ ယောကျာင်္းလေးနဲ့ မိန်းကလေးတွဲပြီး နေရာကို ထိုင်ရတယ် ။
ဂျစ်ဘေးမှာ ထိုင်တဲ့ ကောင်လေးက စာတော်တယ် ၊ တရုတ်ဘာသာမှာဆို ဆရာလေး
နေရာရထားတဲ့ သူပါ ။(ဆရာလေး ဆိုတာ ....စာမေးပွဲဖြေတဲ့ အခါတိုင်း အဲ့ဒီဘာသာမှာ
အမှတ်အများဆုံး ရရှိသူမှဆရာလေးအဖြစ် အတန်းပိုင်ဆရာမက ခန့်အပ်တာလေ.......
ပြီးတော့ ဖြေဆိုထားတဲ့ အဖြေလွှာတွေကိုတော့ ဆရာမနဲ့အတူတူ အမှတ်ခြစ်ခွင့် ရှိသေးတယ် ၊
သူ့အဖြေလွှာ ကိုတော့ ဆရာမကစစ်တယ်။
ဒီကောင်လေးက အမြဲလိုလိုလောက် တရုတ်ဘာသာမှာ အမှတ်အများဆုံး ရတတ်တယ် ......။


သူနဲ့ဂျစ်က ဘေးချင်းကပ် ထိုင်တော့ သူဘယ်လိုရေးလဲ ဆိုတာ ဂျစ်မြင်နိုင်သလို ၊
ဂျစ်ဘယ်လို ရေးလဲဆို တာကိုလဲ သူကောင်းကောင်း မြင်တယ် ။ အဲ့ဒီနေ့က သူက
ဂျစ်လိုမျိုး မှင်အိုးလေးယူလာတာ မဟုတ်ဘူး။သူကိုယ်တိုင် မှင်ခဲကို ရေနဲ့
သေသေချာချာ ဖျော်တာဗျ......ဘာလို့အဲ့လို ဖျော်ရတာလဲလို့ စပ်စပ်စုစု မေးမိတယ် ။
သူကဘယ်လိုပြောလဲ ဆိုတော့“ဒီလိုဖျော်ပြီး ရေးတာက ဆရာသမားတွေမှ ရေးတာ”
လို့ ဂျစ်ကို သူပြန်ဖြေတယ်လေ ။ဒါနဲ့ဂျစ်ကလဲ အသံကျယ်ကျယ်လေးနဲ့“ကျားယို...ကျားယို...”
လို့အော်ပေးလိုက်တယ်၊
(ကျားယို = ကြိုးစားထားပေါ့) ။


ဂျစ်ကိုတော့ သူသိပ်မကြည်ဘူး...ဂျစ်အော်လိုက်တာ သူ့ကို တမင်ရွဲ့တယ် ဆိုတဲ့
သဘောလေး ဖြစ်သွားလို့နဲ့ တူပါတယ် ။ ဂျစ်ကို စကားလုံးဝမပြောပဲ သူ့ဘာသာသူ
စာစရေးတော့တယ် ။ ဂျစ်လဲ စာစရေးတော့ တာပေါ့ ။တရုတ်စာ ကလောင်စရေးတော့
ဂျစ်က ကိုယ်ရေးတတ်သလိုမျိုး စာလုံးကို ပန်းချီဆွဲသလို ဖြေးဖြေးလေးနဲ့
ဖွဖွလေး ဆွဲနေတာ.......ဒါကြောင့် ဂျစ်ဘေးက ကောင်လေးက “ဟဲ့ နင်ရေးတာ
ပုံစံမကျဘူး....အဲ့လိုထပ်ခါထပ်ခါ ရေးခြစ်ဆွဲတာ နည်းလမ်းမကျဘူး...ငါရေးတာကြည့်
တစ်ကြိမ်ပဲ စုတ်ချက်မှန်မှန် ရေးရတယ်”လို့ မနေနိုင်လို့ လာပြောတယ် ။
ဂျစ်ကလဲ ခေါင်းက ခက်မာမာလေ...ဒီတော့

“ငါနင့်လို တစ်ချက်ထဲ မှင်နဲ့ဆွဲရအောင် နင့်လို ဆရာလေးမှ မဟုတ်တာဟ ”
လို့ပြန်ပြောမိတယ်..။


တကယ်တော့ ကလောင်ရေးတာ စာလုံးရဲ့ရေးပုံ စုတ်ချက်အတိုင်း တစ်ချက်ထဲ
မှင်နဲ့တစ်ခါတည်း ဆွဲရတာပါ... ဂျစ်အတွက် တစ်ခါမှ ရေးလေ့မရှိတော့ မလွယ်ကူ လှပါဘူး....။
ဂျစ်ကတော့ လူလည်လုပ်ပြီး ဆရာမမသိခင် အသာလေး စာလုံးလေးတွေကို
ပန်းချီဆွဲသလို ရေးနေတာ...၊ဘေးက တစ်ယောက်ကတော့ ဂျစ်ကို နားမထောင်လဲ
နေဆိုပြီး ပစ်ထား လိုက်တော့တယ် ။


ဂျစ်ကတော့ ရေးမြဲအတိုင်း ခပ်တည်တည်ပဲ လှလှလေးဖြစ်အောင် ဆရာမ
အလစ်ချောင်းပြီး ရေးနေတာပေါ့ ။ဆရာမ သိသွားရင် ဂျစ်ဘေးက ကောင်လေးပြောသလိုမျိုး
ထပ်ပြောမှာ သေချာတယ် ၊ပြီးတော့ အသစ်ပြန် ရေးခိုင်းမှာ သေချာနေပြန်တယ် ၊ အဲ့ဒီတော
့ ဂျစ်အနားကို ဆရာမ ရောက်လာရင် ဂျစ်က ရေးတာ ခဏရပ်ပြီး မှင်တွေဘာတွေ ဖြည့်နေတဲ့
စတိုင် နေလိုက်တယ်....။ ဂျစ်လဲ ဘေးက ကောင်လေးကို မျက်နှာပူပူပဲ မသိချင်ယောင်ဆောင်ပြီး
ရေးစရာရှိတာ ပြီးအောင်ရေးနေလိုက်တယ် ။


အားလုံး ကလောင်ရေးလို့ ပြီးတော့ ဆရာမက စာရွက်တွေ ထပ်ခိုင်းတယ် ။
ဂျစ် ရေးထားတဲ့ စာရွက်ထပ်ပြီး ပြန်လာတော့ ဂျစ်ဘေးက ကောင်လေးက
“နင်ရေးထားတာ အမှတ် များများ ရပါလိမ့်မယ်..စောင့်နေ...ဘိတ်ချီးပဲ ရလိမ့်မယ် ”
ဆိုပြီး ဒူးလေးနှန့်ပြီး ရိတိတိနဲ့ ပြောလိုက်တာ ခံလိုက်ရတယ် ။
မကြာပါဘူး....အတန်းချိန်(၂)ချိန် အပြီးလောက်မှာ ဆရာမ အမှတ်ခြစ်ပြီးလို့ ဂျစ်တို့
စာရွက်တွေ ပြန်လာပေးတယ် ။


ဂျစ်တော့ ဆရာမ လာဆူတော့မှာပဲလို့ စိတ်တွေတအားပူနေ မိတယ် ။ ဂျစ်စာရွက်ရတော့
ဆရာမက မှတ်ချက် ဆိုပြီး အောက်ဆုံးမှာ စာတစ်ကြောင်း ရေးထားတယ် ။
မှတ်ချက်း လက်ရေးလက်သား တော်တော် ကောင်း၏ ။ စာလုံးကြီးကြီးနဲ့
“甲 上 ”လို့ ရေးပေးထားတယ် ။
(“甲 上 ”ဆိုတာ မြန်မာပြည်မှာဆို A+ ပေါ့ဗျာ ။)



ဒီမှာ ဂျစ်ဘေးက ကောင်လေး ရူးချင်သွားတယ်ပေါ့....မျက်နှာတွေ နီရဲလာပြီး ၊
“နင်ကတော်တယ်ဟာ ဂျစ်ရာ ...တကယ် ”
“ ငါကနင့်လို ပန်းချီဆွဲသလို မရေးတတ်လို့ “甲 ”ပဲ
ရတာဟ ....”ဆိုပြီး အထင်တကြီး ပုံစံမျိုး လာပြောတာ။
(“甲 ”ဆိုတာ မြန်မာပြည်မှာဆို A ပေါ့ဗျာ ။)


နောက်ပိုင်း ဂျစ်တို့ ကလောင်ရေးတဲ့ အခါတိုင်း သူအိမ်က မှင်အိုးပဲပါလာတော့တယ်။
အရင်ကလို မှင်ခဲကို ရေနဲ့ သေသေချာချာ မဖျော်တော့ဘူး ။ ဂျစ်ဘယ်လို ရေးတယ်ဆိုတာ
သေချာကြည့်ပြီး ရေးတော့တာပဲ...။ အဲဒီနေ့က သူက“甲上 ”A+ ....
ဂျစ်ကတော့ “甲 ”A ရခဲ့တယ်..................ပျော်ပျော်ပဲ ကျေနပ်ခဲ့တယ်ပေါ့ ။
ဒီအဖြစ်အပျက်လေးကို ဂျစ်နဲ့ ဘေးကကောင်လေး နှစ်ယောက်ထဲ သိခဲ့ကြတဲ့ အဖြစ်လေးပေါ့နော်။
(လူလည်လုပ်ခဲ့တာ ဆရာမ သိဘူး........ဟဲဟဲ )


မောင်နှမတွေ အထင်လွဲမှာဆိုးလို့......ပြန်ဖြေရှင်းပါတယ် ...။
နောက်ပိုင်းမှာတော့ သေသေချာချာ ရေးနည်းကို ကျင့်ယူခဲ့ပါတယ်....။
အခု ကလောင် ကောင်းကောင်း ရေးတတ်နေပါပြီနော် ...........။


ခုချိန်မှာတော့ ဂျစ်ပြန်စဉ်းစားမိတိုင်း ဘေးကထိုင်တဲ့ ကောင်လေးမျက်နှာ မြင်ယောင်ပြီး
ပြန်ရယ်ချင်မိတယ် ..............။
ထိုင်ဝမ်မှာ ကျောင်းနေခဲ့တဲ့ ငယ်ဘ၀လေးကို သတိတရဖြစ်မိလို့ အမှတ်တရ ဒီပို့စ်လေး
ရေးဖြစ်သွားရတယ်။


ဂျစ် ချစ်ခင်လေးစားရသော မောင်နှမများ ကျန်းမာပျော်ရွှင်ကြပါစေ .........................။

ချစ်ခင်လေးစားစွာဖြင့်

ဂျစ် တူး လေး

အော်....ကော်ဖီ ခါးခါး

ကော်ဖီ သိပ်ကြိုက်တဲ့ သူတွေ အများကြီးကို “ဂျစ်”တွေ့ဖူးသလို.....ကော်ဖီဆိုရင် “ဟင့်အင်း”...ဆိုပြီး
ငြင်းဆိုတာလဲ ခဏခဏ တွေ့ဖူးကြုံဖူးပါတယ် ။ကော်ဖီသိပ်ကြိုက်တဲ့ ကောင်မလေး “ဂျစ်တူး”ဘ၀ကနေ...
ကော်ဖီဆို.....“NO”ဖြစ်သွားရတဲ့ အကြောင်းလေး ရှိခဲ့တယ် .....ဆိုရမှာပဲ ။


ဂျစ် ကတော့ ကော်ဖီဆိုရင် ဘယ်အချိန်ပဲ ဖြစ်ဖြစ် လာထားဆိုပြီး သောက်လေ့ရှိတဲ့သူပါ....တစ်ခါတစ်လေ
ဆိုရင် တစ်နေ့သုံး ၊ လေးခွက်လောက် သောက်ဖြစ်တယ် ။ မနက်office ရောက်တာနဲ့ ရုံးက စာရေးမ “ မမကြီး”က
ဂျစ်ကို ကော်ဖီဖျော်တိုက် နေကြလေ....ဒီတော့ breakfast ကိုကော်ဖီနဲ့မုန့်နဲ့ စားတာအကျင့်လေး
ဖြစ်သွားရတယ်.....။


နေ့လည် (၂)နာရီကျော် Tea time ဆို ဂျစ်တို့ သူငယ်ချင်းအုပ်စု coffee သောက်ကြပြန်ရော...။
ဒါမှ နေ့လည် ဂျစ်တစ်ယောက် Drawing ကောင်းကောင်း ကြည့်နိုင်၊ ဆွဲနိုင်မယ်လေ............
Report တွေကိုလဲ ခေါင်းအေးအေးနဲ့ ကောင်းကောင်း ရေးနိုင်မယ်ဆိုတဲ့ ..... အကြောင်းပြချက်လေးတွေ
ပေးပြီး ကော်ဖီကို နေ့တိုင်းနီးပါး သောက်ဖြစ်နေတယ်....။ သောက်ရင်လဲ ခါးခါးလေး သောက်တတ်တယ် ။


ညနေ Dinner ချိန်ရောက်တဲ့အခါ.....အများအားဖြင့် Dinner ကိုချစ်သူနဲ့အတူတူ သွားစားတတ်တယ် .....
စားပြီးရင်လဲ ချစ်သူက ကော်ဖီဆိုင်ထိုင်မလား မေးတတ်တယ် ...။ အဲ့လိုမေးလာတဲ့ အခါတိုင်းမှာ
ဂျစ်က လုံးဝမငြင်းခဲ့ဘူး.....“အိုကေ...အိုကေ ...” ပေါ့... ကော်ဖီ သိပ်ကြိုက်တာကိုးဗျ...။


အိမ်က မမက အင်္ဂလိပ်စာ စကားပြော သင်တဲ့ ကျောင်းက ဆရာမလေးပါ...။ညဘက်တွေမှာ
ဆိုရင်တော့ ဂျစ်ရဲ့ ချစ်သူအပါအ၀င် ကျောင်းသား အားလုံး (၄)ယောက်ကို တရုတ်စာသင်ပေး ၊
ပြပေး လေ့ရှိတယ်...။ ။အဲဒီအချိန်ဆို ဂျစ်လဲ အမြဲလိုလို မမနဲ့လိုက်သွား
တတ်တယ်။ ဂျစ် ကော်ဖီကြိုက်တာ ချစ်သူက သိတော့ အမြဲတမ်း
ကော်ဖီဖျော် တိုက်တတ်တယ်ဗျ .........။
(မိုက်တယ်.....မို့လား။ ချစ်တာ.....ချစ်တာ.....ချစ်လို့............ပေါ့ဗျ ။)


ကော်ဖီကို စွဲစွဲလန်းလန်း သောက်ခဲ့တာ (၁၅)နှစ် လောက်ရှိတော့ မယ်ထင်တယ် ...။
မနက် ကော်ဖီ မသောက်ရရင် စိတ်တွေအလိုလို တိုနေမိတာ။ ကော်ဖီကို မသောက်ရ
မနေနိုင်တဲ့ အထဲမှာ ဂျစ်တူးလဲ ပါတယ် ။


ကော်ဖီကို အချိုမပါပဲ အသင့်အတင့် သောက်ရင် ကောင်းကျိုးတွေ ရှိတယ်လို့ သိထားတယ်...
ဥပမာ ...လူကို လန်းဆန်းနေစေတယ် ၊ လှချင်တဲ့ ကောင်မလေးတွေဆိုရင် စားတဲ့အစား အစာတွေမှာ
Calories စားတာ များသွားလို့ကတော့ သကြားမပါ ကော်ဖီသောက် တတ်ကြတာ တွေ့ဘူးတယ်......
ကိုယ်လုံးလေး လှချင်တာလေ.....။ နောက်ပြီး ထမင်းစားပြီး ကော်ဖီအနည်းငယ် သောက်ရင်တော့
အစာကြေလွယ်တယ်................ဆီးကို ရွှင်စေတယ်တဲ့။
(ကြားဘူးသလောက် ပြောပြတာ...ဟုတ်မဟုတ် သေချာသိဘူးနော်။)


ကော်ဖီ အရမ်းသောက်လို့ office က Boss ဆိုရင် .. ဂျစ်တို့ ကော်ဖီကြိုက်တဲ့ အုပ်စုကို ခဏခဏ
ကော်ဖီသောက်လို့ တွေ့တာနဲ့ ကော်ဖီသောက်လို့ ရရှိတဲ့ ဆိုးကျိုးတွေ ပြောတော့တာပါပဲ....
“ကော်ဖီ....သောက်ကြ... ...သောက်ကြ......အသက်တွေလဲ ကြီးလာရော နင်တို့တတွေ
လမ်းတောင်ကောင်းကောင်း လျှောက်နိုင်ပါ့မလား..........? ရှိတဲ့အရိုးတွေလဲ ကြေမွနေလေလာက်ပြီတဲ့......
ဟိုတစ်ယောက် ရှိသေးတယ် “ငဂျစ် ”...အစာအိမ်မကောင်းဘူး မို့လား.....ပြောလဲမမှတ်....သောက်ကြ...
သောက်ကြ...ဟဲ့...”ဆိုပြီး ဂရုနာဒေါသ ထွက်တာမျိုး ဂျစ်တို့တွေ တစ်ပတ် တစ်ခါလောက် မြင်ရတယ် .....။


တကယ်တော့ ကော်ဖီကို အလွန်အကျွန် သောက်တဲ့ အကျင့်က မကောင်းတာ သိပေမဲ့ ပြင်ဘို့မကြိုးစား
မိခဲ့ဘူးလေ...။ တစ်နေ့မှာ ဂျစ်တူး ချစ်သူရဲ့ gmail ထဲဝင်ကြည့် ဖြစ်တယ် ...။ ဘာရယ်မဟုတ်ပါဘူး...
ကျောင်းတုန်းက ငယ်သူငယ်ချင်းလေးတွေ လိုင်းပေါ်တက်လာ သလားလို့....လက်ဆော့တာ ပြောရမှာပဲ ..။
ဂျစ်ချစ်သူရဲ့ သူငယ်ချင်း online ကောင်မလေးတစ်ယောက် က “ အကို သောက်ဘို့ ကော်ဖီတစ်ခွက် ”
ဆိုပြီး ကော်ဖီ photo လေးတစ်ပုံ mail ပို့ထားတာတွေ့ လိုက်ရတယ်.............။


အဲဒီမှာ စပြီး .............ကော်ဖီဆိုရင် ခါးခါးရော....... ချိုတာရော.......စိမ့်တာရော.....
“လုံးဝ ဥသုံ မဘုတ်ဆုံ ပဲ ” သောက်ကိုမသောက် ဖြတ်ပြစ်လိုက်တယ်.....၊ ပြီးတော့ ချစ်သူက ဂျစ်ကို
အမြဲဖျော်တိုက် နေကြ အစဉ်အလာကို ဂျစ်တစ်လှည့် တာဝန်ယူဘို့ ဆုံးဖြတ်လိုက်တယ် ။
တကယ်တော့ ချစ်သူရဲ့ သူငယ်ချင်းဆိုတာ စိတ်ထဲမှာသိပါတယ် .. သူငယ်ချင်းတွေ နောက်ပြောင်လို့
ခင်တဲ့စိတ်နဲ့ ဒီmailလေး ပို့တယ်ဆိုတာလဲ ဂျစ် သိပါတယ်....ဒါပေမဲ့ ဂျစ်က ချစ်တော့
သ၀န်တို တာပေါ့လို့.........၊ နောက်နေ့ကစပြီး ကော်ဖီကို ဂျစ်ရဲ့ မကြိုက်ဆုံး အရာအဖြစ်
နေရာပေးလိုက်တယ် ...။


ခုချိန်ထိ ဂျစ်ချစ်သူနဲ့ လက်ရှိသူငယ်ချင်းတွေက ဂျစ်တူး ဘာလို့ ကော်ဖီ သိပ်ကြိုက်နေရာက
လုံးဝမသောက်တော့ တာလဲပေါ့...... အားလုံးနားမလည် ကြဘူးပေ့ါ............ဒါနဲ့ ချစ်သူ
“မောင်”ရှင်းအောင် ......သိစေချင်တဲ့ သဘောမျိုးနဲ့ ဒီပို့စ်လေး ရေးဖြစ်သွားတယ်.............။


“အချစ် ..အချစ်........အော် အော် မှားလို့မှားလို့......ကော်ဖီ ကော်ဖီ...သောက်တော့ဘူးကွာ......ဘာဖြစ်သလဲ...”
တကယ်တော့ ဘာမှ မဖြစ်တော့ပါဘူး.....ကော်ဖီ စဖြတ်တဲ့ တစ်ပတ်လုံးလုံး ခေါင်းတွေ တအားကိုက်တယ်....
နေလို့ထိုင်လို့ မကောင်းဘူး..အဲ့လောက်လေးတော့ ဂျစ် ခံစားလိုက်ရပါတယ်..............တကယ်တော့
ကျေးဇူးရှင်လေးက ချစ်သူရဲ့online သူငယ်ချင်းလေး ဖြစ်ပါတယ်......................။


ဂျစ် တကယ်ကျေးဇူး တင်နေမိတယ် ။ မမြင်ဘူး မတွေ့ဘူး မရင်းနှီးပေမဲ့ ...မင်းကြောင့် ဂျစ်
မကောင်းတဲ့ အကျင့်ဆိုးလေး တစ်ခု မရှိတော့ဘူး......ကျေးဇူးကမ္ဘာပါ.....နော် ။
ဘာပဲဖြစ်ဖြစ် အချစ်ကြောင့် အရက် ပြတ်တာ မဟုတ်ပေမဲ့.... ကော်ဖီတော့ ပြတ်သွားပြီ.....
ဟေးးးးးးးးးးးးးးးးးးးးးးးးးးးးးးးးးးးးးးးးးး ။
(မင်းလေး .......ဂျစ်ကို စိတ်ချိုးရဘူးနော်............)


ဂျစ် ချစ်ခင်လေးစာရသော မောင်နှမများ ကိုယ်စိတ်နှဖြာ
ချမ်းသာကိုယ်စိတ်မြဲကြပါစေ...............ဗျာ ။
(ကော်ဖီ ပြတ်သွားတဲ့ (၁)လပြည့် အထိမ်းအမှတ်ပါ)



ချင်ခင်လေးစားစွာဖြင့်
ဂျစ်.....တူး....လေး

တစ်နှစ်ပြည့်........

မနှစ်က ဒီလိုအချိန်မှာ “ဂျစ်”တို့ သူယ်ချင်း(၃)ယောက် မိဘမဲ့
ကလေးထိန်းကျောင်းမှ ကလေးတစ်ယောက်(မောင်လေး)ကို
ပညာဒါန ပေးလှူဘူးတယ်...။ အဲဒီမောင်လေး အသက်(၉)နှစ်မှာ
မိဘနှစ်ပါးက မတော်တဆ ကားတိုက်မှုဖြစ်ပြီး သူ့ကိုခွဲခွာသွားကြ
တာလို့ ဂျစ်တို့တွေသိထားတယ် ။


ဟိုးအရင် ကျောင်းတုန်းက သူငယ်ချင်းထဲမှာ တစ်ခါတလေ
ကျူရှင်လခ မပေးနိုင်တဲ့သူ ရှိဘူးတယ် ။ မပြေလည်တဲ့
သူငယ်ချင်းကို ကူညီချင်တော့ ..အိမ်က မားမားဆီမှာ
ပြောပြီး ငွေချေး ပေးဘူးခဲ့တယ်...၊ပြန်ဆပ်ဘို့ မပြေလည်တာ
ဂျစ်တူးသိတော့ မားမားကို အကျိုးအကြောင်း ပြောပြလိုက်တယ်..။
ဒါနဲ့မားမား ဂျစ်သူငယ်ချင်းကို တစ်နှစ်စာ ကျူရှင် ထားပေးတော့တာပဲ ။
(ဒါကတော့ ဂျစ် ကျောင်းတုန်းက ငွေမကုန်ပဲ လှူလိုက်ရတဲ့ ပညာဒါနပါ ။)


ဒီပညာဒါနလေးကို ပေးလှူသွားဖြစ် တာကတော့ ..ခုလက်ရှိ
အလုပ်officeက သူငယ်ချင်းလေးကြောင့်ပါ...။ ဂျစ်သူငယ်ချင်းက
ထိုင်ဝမ်သူ စစ်စစ်ပါ....သူ့ကိုစသိတုန်းက သူကဖော်ရွေတယ်..
သွက်လက်တယ်...အလုပ်ကို လေးစားတတ်တယ်...ဘယ်တော့မှ
အလုပ်ကို နောက်ကျလာတာ မရှိဘူးလေ...။ ဒါကြောင့် သူနဲ့
ဂျစ် တော်တော် ခင်သွားတယ် ....။

ဂျစ်နဲ့သူ တော်တော်ခင်လာတဲ့ အချိန်မှာ သူ့အကြောင်းပြောပြ
ခဲ့ဘူးတယ် ။ သူက မိဘမဲ့ဖြစ်ကြောင်း ၊ (၁၂)နှစ်အရွယ်ရောက်မှ
ချမ်းသာတဲ့ မွေးစားမိဘတွေ ပေါ်လာခဲ့ရတယ်တဲ့ ...။
သူ့ကို မိဘမဲ့ ကလေးထိန်းကျောင်းက ခေါ်ယူမွေးစားခဲ့တဲ့
မိဘတွေကြောင့် သူခုလိုပညာတတ် ဖြစ်လာရတာရယ် ၊
ပြည့်ပြည့်စုံစုံ နေရတာ စသဖြင့် ဂျစ်ကို သူပြောပြခဲ့တယ်။
ဒီအကြောင်းကို officeက တခြားသူတွေ မသိကြပါဘူး ။
ဂျစ်ရယ်..သူငယ်ချင်းထဲက နောက်တစ်ယောက်ပဲ သိကြတာပါ ။

ဂျစ်သူငယ်ချင်းက သူငယ်ငယ်ထဲက မိဘမဲ့ ကလေးထိန်းကျောင်းမှာ
ကြီးပြင်းခဲ့ရ သူပါ...။ သူ့မိဘအရင်းက ဘယ်သူဘယ်ဝါ ဆိုတာ မသိရှာ
ပါဘူး...။ သူအဲ့ဒီအကြောင်း ပြောပြတုန်းက ၀မ်းနည်းတဲ့အသံ ပါခဲ့တယ် ၊
ဒါပေမဲ့ သူမျက်ရည်မကျဘူး....။ဂျစ်အမြင်အရ ဆိုရရင် အရမ်းတော်တဲ့သူပါ ....။

သူကတစ်လတစ်ခါ သူလစာငွေထဲက $1000 ကို အမြဲ မိဘမဲ့
ကလေးကျောင်းကို လှူတာတွေ့ရတယ် ။ အစကတော့ သူဘာလို့
လှူတယ်ဆိုတာ မသိခဲ့ဘူးလေ...။ ဂျစ်သူနဲ့ တစ်ခါ “ထိုင်ပေ”က
မိဘမဲ့ ကလေးကျောင်းကို အဖော်အဖြစ်လိုက် သွားခဲ့ဘူးတယ် ၊
အဲ့ဒီနေ့က ဂျစ်တို့ သူငယ်ချင်းသုံးယောက် တူတူသွားခဲ့တာပါ ....၊
ကျောင်းရောက်ရောက်ချင်း မြင်လိုက်ရတာကတော့ ကလေးတစ်ယောက်
ကို ရဲစခန်းက တာဝန်ရှိသူ တစ်ယောက်က အဲ့ဒီကျောင်းကိုလာပို့တာပါ...။
မိဘနှစ်ပါးက မတော်တဆ ကားတိုက်မှုဖြစ်ပြီး လက်ရှိ အုပ်ထိန်းသူ မရှိလို့
လာပို့ရခြင်းပါလို့ ဂျစ်တူးတို့ ကြားလိုက်ရတယ် ။
(ဒီကစပြီး လှူချင်တဲ့ စိတ်လေး ၀င်သွားတော့ တာပါပဲ )

ဒါနဲ့ဂျစ် တစ်ယောက် စိတ်ကူးလေး တစ်ခုရသွားတယ်....လက်ထဲမှာ
ပါသလောက် ငွေလေးနဲ့ အလှူလေးလုပ်မယ်ပေါ့ ။ ဂျစ်သူငယ်ချင်းက ဘယ်လို
လှူရင်ရတယ် ဆိုတာမျိုး လိုက်ရှင်းပြပေးတယ် ........။
နောက်ဆုံး သူငယ်ချင်း(၃) ယောက် တစ်လကို တစ်ခါ$1000 နဲ့
ဒီကလေး အတွက် ပညာသင်ထောက်ပံ့ငွေ ပေးလှူခဲ့တယ် ...။
တစ်ယောက်ကို $300ကျော်လေးပဲ ကျတာပါ....ဂျစ်တို့ပေးတဲ့
ငွေပမာဏက ဘာမှမဟုတ်ပေမဲ့ ဒီကလေးအတွက်တော့
အများကြီး အထောက်အကူ ဖြစ်သွားမယ်လို့ ထင်ပါတယ် ။

ဂျစ်တို့လိုပဲ လာပြီး လှူတန်းတဲ့ သူတွေလဲ တွေ့ခဲ့ရပါတယ် ..။
တကယ်ကြည်နူးရပါတယ် ...မပြောပြတတ်ဘူး ...ဘယ်လိုမျိုးပီတိ
ဖြစ်ခဲ့တယ် ဆိုတာကိုပေါ့ ...။ ဂျစ်ကတော့ ခုချိန် အဲ့ဒီကလေး
အတွက် ဆုတောင်းပေးချင်တာက သူ့ကို ကောင်းမွန် လုံခြုံစွာ
ပေးနိုင်မဲ့ မွေးစားမိဘတွေ့ ပါစေလို့ ...ဆန္ဒပြုချင်တာပါ ။
ဟိုနေ့က ပညာဒါန တစ်နှစ်ပြည့် ဆိုပြီး စာလေးတစ်စောင် အဲ့ဒီမောင်လေး
ပို့ပေးခဲ့လို့ ..............................ဒီပို့စ်လေးကို ရေးဖြစ်သွားတာပါ...။

“မောင်လေး ပို့ပေးတဲ့ စာလေးပါ”

“ချစ်ခင်ရပါသော .....မမတို့

တစ်ခါပဲ မြင်ဘူးတဲ့ အတွက် ဘယ်လိုနာမည်ခေါ်ရမှန်း မသိလို့ပါ ။ အခု......(၄)တန်းတက်နေပါပြီ ။

ကျောင်းမှာကွန်ပြူတာသုံး ရလို့ အများကြီး ဗဟုသုတ ရပါတယ် ။ အစစ အရာရာ အဆင်ပြေ

လို့ ကျေးဇူးတင်ပါတယ်... မမတို့ပျော်ရွှင်ပါစေ...... ”လို့ ရေးထားတာပါ ။

*****တကယ်တော့ လူ့ပတ်ဝန်းကျင်မှာ ဒီလိုမိဘမဲ့တဲ့ ကလေးတွေ အများကြီးရှိကြမှာပါ ။

ဂျစ်တကယ် အရမ်းကံကောင်းတယ်လို့ စိတ်ထဲမှာ ဖြစ်မိတယ်...ခေါ်စရာ အဖေအမေ

မရှိတဲ့ဘ၀က တကယ်ဝမ်းနည်းဘို့ ကောင်းသလို ၊ သူတို့လေးတွေ အားငယ်နေမှာ

သေချာပါတယ်.... သူတို့လေးတွေ ပျော်ရွှင်လှပတဲ့ မိသားစုဘ၀လေး ရကြပါစေလို့

ဆုတောင်းလိုက်ပါတယ်................။*****

ဘလော့.......ရေစက်

ပြီးခဲ့တဲ့(2009.06.20) စနေနေ့က ဂျစ်တူး မမျှော်လင့်ထားတဲ့ အကြောင်းအရာ
တစ်ခုကို ကြားလိုက်ရတယ် ။ ဘလော့ဂါ“ကိုအင်း”(ကိုမြစ်ကျိုးအင်း) က
ဂျစ်တူးဆီ ဖုန်းဆက်လာပါတယ်။ ဒီနေ့ ည တောင်ပေါ်ကို ရှုခင်းသွားကြည့်ဘို့
ချိန်းဆိုတာပါ..။ ဒီအစီအစဉ်ကို “ကိုကြီး သုနြေ္ဒ” ( ဘလော့နေရာများများမှာ
ချစ်ခင်တဲ့စိတ်နဲ့ လိုက်အားပေးတတ်တဲ့ ကိုကြီး )က ကားနဲ့လိုက်ပို့ပေးမယ်လို့
ပြောထားတာကြာပါပြီ ။

ကိုအင်းကဖုန်းထဲမှာ ဂျစ်ကို “ဒီနေ့ည ဂျစ်တူးရဲ့ ဘလော့သူငယ်ချင်း တစ်ယောက်ပါမယ်”
“အဲ့ဒီသူက မမကီ( kiki-idiotlove ) လေ..”လို့ပြောပါတယ်....စစချင်းတော့ ကြောင်သွား
တယ်....ဟုတ်ရဲ့လားလို့...။ တကယ်ပါ ....မမကီကီပါ....အပြင်မှာ မတွေ့ဘူးပေမဲ့ cbox မှာ
လာလာအော်တတ်တဲ့ မမနဲ့ မမျှော်လင့်ပဲ ဒီနေ့တွေ့ရတော့မယ် ဆိုပြီး ပျော်သွားရတယ် ။

ကိုကြီး သုနြေ္ဒကတော့ ကိုယ်ပိုင်ဘလော့မလုပ်ပဲ ဘလော့မောင်နှမတွေရဲ့ စာတွေလိုက်ဖတ်ပြီး
comment ပေးတတ်သူ၊ အားပေးစကားပြောတတ်သူ ၊ ဘလော့ဂါတွေ... ပို့စ်အသစ်တင်တာနဲ့
ပထမနေရာ မန့်ချင်လွန်းလို့ အမြဲနေရာလုနေတဲ့ ချစ်စရာ အကိုကြီးတစ်ယောက်ပါ ။

(ဒါပေမဲ့ ကိုကြီး သုနြေ္ဒ့လုတဲ့ ဘလော့ထဲမှာ ဂျစ်တူးဘလော့ မပါပါဘူး ........
ဘာလို့လဲဆိုတော့ ဂျစ်တူးက စာရေးကောင်းသူ မဟုတ်ပါ ။ အပျော်ရေးတာပါ....
ချစ်သူပေးခဲ့ဘူးတဲ့ အမှတ်တရ ကဗျာလေးတွေကို တင်ချင်တာရယ် ၊
အဲဒီအချိန်က ခံစားရတာလေးတွေကို ရေးချင်လို့ ..ချစ်သူက ဘလော့လုပ်ပေးခဲ့တာပါ။
ဘလော့ဂါတစ်ယောက်ရဲ့ ရှိသင့်တဲ့ယဉ်ကျေးမှုကို ဂျစ်တကယ်မသိခဲ့ပါဘူး...
ဥပမာ ဂျစ်အိမ်လေးကို လာလည်ရင် ပြန်လည်ရမှန်းမသိ ခဲ့ပါဘူး ...
နောက်တော့ မနေနိုင်တဲ့ ချစ်သူက ဘလော့လုပ်ရင် ကိုကလဲ သူများဆီကို သွားအားပေးရတယ်..
အဲဒါဘလော့ယဉ်ကျေးမှုဖြစ်တယ် ဆိုတဲ့ အကြောင်းသေသေချာချာရှင်းပြမှပဲ
ဂျစ်အိမ်လည်တတ်သွား ရတာပါ ။)
ကိုကြီး သုနြေ္ဒကိုတော့ ချစ်သူခင်သူ ပေါများတယ်လို့ ယူဆမိတယ်...ဘလော့မောင်နှမ
တော်တော်များများရဲ့gtalk account ကို ကိုကြီးသုနြေ္ဒ သိနေတတ်တယ်...လေ။

အဲဒီစနေနေ့က ဂျစ်တို့ ချစ်သူသက်တမ်း (၁၁)နှစ်ပြည့်ဘို့ နှစ်လအလို ၊ ချစ်သူအထိမ်းအမှတ်
နေ့(၂၀)ရက်နေ့လေးပါ...။မှတ်မှတ်ရရ ဘလော့ထဲက မောင်နှမတွေနဲ့ တော်တော်ကြာကြာ
ပျော်ပျော်ပါးပါးတောင်ပေါ်မှာ စကားတွေပြောလိုက်ရတယ်....။

မမကီကီကတော့ တကယ်သဘောကောင်းတယ် ....မမကီက သူ့အိမ် မှာရှိတဲ့
စပျစ်သီးတွေကို ဘူးကြီးတစ်ဘူးနဲ့ အပြည့်ယူလာတာ....ဂျစ်တို့တွေ အားလုံးဝိုင်းစားကြတာ
ပျော်စရာကြီး ။ မမကီကီကို အပြင်မှာ မတွေ့ခင်က ဂျစ်ထက်ငယ်မယ် ထင်ထားတာလေ ။
cbox မှာ သူငယ်ချင်း ဒီအပတ်ဘယ်သွားလဲ.?...ဘာညာပေါ့...အော်ချင်တိုင်း အော်ခဲ့တာပဲ..။
တကယ်အပြင်မှာ ဆုံလိုက်ရတော့ တော်တော်အားနာသွားတယ်....မမ ဖြစ်နေတော့
စကားပြောတာ မလေးမစားဖြစ်မှန်း ဂျစ်ကိုဂျစ်သိလိုက်တယ်..။
ှsorry နော်မမကီကီ.............။

ဂျစ်နဲ့ စောစောထဲက ခင်နေကြတဲ့ Bloggerတွေကတော့ (ကိုမြစ်ကျိုးအင်း၊ ကိုအဖြူလေး)
Bloggerမဟုတ်တဲ့ ကိုကြီးသုနြေ္ဒ ၊ ခုမှမြင်ဖူးပြီး ပိုခင်သွားရတဲ့ မမကီကီ၊ ကိုကြီးသုနြေ္ဒ
သူငယ်ချင်းနှစ်ယောက် ....ကိုကြီးညောင်ရမ်း ၊ဂျစ်ရဲ့ မမ ၊ ဂျစ်အပါအ၀င် အားလုံး(၉)
ယောက် ကားနှစ်စီးနဲ့ တောင်ပေါ်တက်ခဲ့ကြတယ် ....၊ဂျစ်တို့နဲ့ အရမ်းလိုက်ချင်တဲ့
ဂျစ်အကို (ဧပရယ်)ကတော့ အဲဒီနေ့က သွားကိုက်လို့ ဆေးခန်းသွားနေတဲ့ အတွက်
ဂျစ်တို့နဲ့ တောင်ပေါ်မလိုက်နိုင်ခဲ့ဘူးးလေ....(နောက်တစ်ခေါက်ပေါ့ ကိုကြီးဧပရယ်...နော်)

တောင်ပေါ်ရောက်တော့ဆိုင်ရာပိုင်ရာ ဘိုးဘိုးကြီးကို အမွှေးတိုင်တွေ၊ ပန်းတွေနဲ့
လိုရာဆုကို ဆုတောင်းခဲ့ကြတယ် ၊တောင်ပေါ်ကအဆင်း လမ်းမှာ ထီဝင်ထိုးကြသေးတယ်.....
အဲဒီထီထိုးတဲ့ သူ အားလုံးထဲမှာ ကိုမြစ်ကျိုးအင်းက $500 ထီပေါက်ပြီး ၊
ဂျစ်ကတော့ $100 နဲ့ကျေနပ်ခဲ့ရတယ်................ဲ။

ဒါနဲ့ ကိုကြီး သုနြေ္ဒက ထီပေါက်တဲ့ပိုက်ဆံနဲ့ မုန့်ကျွေးရမယ် လို့ပြောတော့တာပဲ....
ဒီတော့ လာမဲ့အပတ် စနေနေ့ ဂျစ်တို့ မုန့်လုပ်စားကြမယ်...ဝေး....။
ဂျစ်မမက ၀က်သားတုတ်ထိုးလုပ် ပေးမယ်ပြောတယ်....ရာသီဥတု ကောင်းရင်
တော့ တကယ်လုပ်စားဖြစ်ပြီ.....သူငယ်ချင်းတို့ရေ....။

ဘလော့ထဲမှာခင်ကြတဲ့ မောင်နှမတွေကိုလည်း အပြင်မှာ“ဂျစ်”နဲ့တွေ့ရင်
မမကီကီ လိုပဲ ...မုန့်ကျွေးမှာပါ.....ဂျစ်တို့ သူငယ်ချင်းတွေက အပတ်တိုင်းလိုလိုလောက်
မုန့်တစ်ခုခု လုပ်စားတတ်လို့လေ.........။

*** မမကီ.......ဂျစ်တို့က အပတ်တိုင်းလိုလိုမုန့်လုပ်စားဖြစ်တယ်.......
.............ဖုန်းဆက်အကြောင်းကြား လိုက်မယ်နော်...........မမ ။

ချစ်ခင်စွာဖြင့်....

ညီမလေးဂျစ်

သစ္စာ ...ရှိကြေး

ချစ်သူ..........ရေ

တို့နှစ်ယောက်ကြားက

သစ္စာတရားကို

ဓါးသွားတလက်လို

ထက်မြက်နေစေ.....

အနားကပ်မယ့်

နှောက်ယှက်ခြင်းကို

တို့ချစ်ခြင်းနဲ့

ရှင်းလင်းကြစို့....။

တကယ်လို့များ

“ဂျစ်”အနားကို

ချည်းကပ်သူတွေ

တိုးဝင်လာရင်....

“ဂျစ်”ရင်ထဲမှာ

မောင်ရှိနေတာ

ပြောပြလိုက်ပါ.....။

ရင်ခုန်သံဝေး

သွေးအေးသွားလို့

ဟန်ဆောင်စကားမှာ

နားယောင်မှာတော့

စိုးရိမ်မိတယ်.....။

ဘေးကလူတွေ

ပြောနိုင်တာထက်

မောင်ပိုချစ်တာ

မေ့မပစ်ပါနဲ့......။

(ဒီကဗျာလေးကို မောင်က“ဂျစ်”အတွက် ပို့ပေးခဲ့တာပါ ။)

မောင်တစ်ယောက် ကျမဘေးမှာ မရှိတဲ့အချိန်တွေမှာ ....ကျမကို သစ္စာရှိရှိ ချစ်ခဲ့တာပါတဲ့ ၊

ပြီးတော့ အစစအရာရာ တိုးတက်နေတဲ့ နိုင်ငံမှာ ကျမအနားမှာ မောင်မရှိလို့ စိတ်ပူ

တယ်လို့ ပြောဘူးခဲ့တယ်....ကျမက အချစ်ကို ကိုးကွယ်ခဲ့သူပါ....မောင်မပါတဲ့ လမ်းတွေ၊

မောင်မပါတဲ့ အချိန်တွေမှာ မောင်ကို ကျမဘေးမှာ ရှိနေခဲ့သလို သဘောထားခဲ့သူပါ။

စိတ်အားငယ်လို့ ရင်ဖွင့်ချင်ရင်တောင် စိတ်ထဲက တောင်းတောင်းတတ.................

မောင်..........ရယ် လို့ ရေရွတ်ခဲ့ရသူပါ....။ မောင်မပါတဲ့ ဘ၀မှာ ကျမချစ်တဲ့သူဟာ

မောင်ပါလို့ ခံယူခဲ့တာ...မောင်မြင်ပါ့မလား ? ကျမဘေးက သူတွေ ဘယ်လောက်

ကျမကို ချစ်တယ်ပြောပြော...မောင် ကျမကို ချစ်တဲ့အချစ်တွေက အားလုံးထက်ပို

တယ်လို့ တကယ်ယူဆ ခဲ့တာပါ.....။

မောင်ရော ....ကျမ မောင့်အးနားမှာ မရှိတဲ့ အချိန်တွေမှာ ...မောင် သစ္စာထားရှိ ခဲ့ပါသလား?

တကယ်တော့ မောင်ကျမအပေါ် ချစ်သေးသည် ဖြစ်စေ....၊ မချစ်တော့သည် ဖြစ်ပါစေ....၊

ကျမ အချစ်ဆုံးက မောင်ဆိုတာ ငြင်းဆိုဘို့ တကယ်မဖြစ်နိုင်ပါဘူး....။ ချစ်ခဲ့ကြတာ မုန်းဘို့မှ

မဟုတ်တာ.....မောင် ကြားသိအောင် ပြောချင်ပါတယ်.......မောင် !

မောင့်ကို ချစ်တဲ့ ....

ဂျစ်

ဘ၀ အပိုင်းအစလေးများ(၂)

“ဂျစ်” ကျောင်းတက်လို့ (၆)လလောက် အကြာလောက်မှာ တရုတ်လို ကောင်းကောင်း ရလာတယ် ။ အတန်းထဲမှာ သူငယ်ချင်းများလာတယ်....။ ဂျစ် ပြောတဲ့စကားကို နားလည်လား ၊ မလည်လားတော့ မသိဘူး ....ဂျစ်တူး စကားပြောရင် နားထောင်လို့ ကောင်းလို့ဆိုပြီး ဂျစ် အနားကို ရောက်ရောက် လာကြတာတော့ မှတ်မိတယ်........။

တစ်ရက်မှာ ဆရာမက တတန်းလုံးကို “ငယ်စဉ်ဘ၀” ဆိုတဲ့ ခေါင်းစဉ်နဲ့ စာစီစာကုံး ရေးခိုင်းလိုက်တယ်.....စာစီစာကုံး တင်ရမယ့်ရက်ကတော့ ဆရာမ ပြောပြီး နောက်(၃)ရက် အကြာမှပါ....။ အားလုံးက ငယ်ဘ၀ အကြောင်းဆွေးနွေး ဖြစ်ကြတယ်..။ ဂျစ်တို့ တတန်းလုံးကို ဆရာမက “စာစီစာကုံး အရေးအသားကို အမှတ်(၅၀)ပေးမယ် ၊ဲ့ဒီရေးထားတဲ့ စာစီစာကုံးထဲက အကြောင်းအရာကို ရုပ်လုံးပေါ်အောင် အတန်းရှေ့ထွက်ပြီး အားလုံးကို ပြောပြရမယ်....အဲ့ဒီအတွက် အမှတ်(၅၀)သတ်မှတ်မယ်” ...လို့ပြောခဲ့တာပဲ ။

ဂျစ် တစ်ယောက်တော့ ခေါင်းကိုက်နေပြီ....ဘယ်လိုစရေး ရမယ်မသိဘူးလေ.....၊
အဲဒီနေ့က ထမင်းဝိုင်းမှာ ထမင်းကြာကြာ ထိုင်မစား ဖြစ်ဘူး...မေမေကတော့ ဂျစ်
နေမကောင်းဘူး ထင်လို့ “စောစောအိပ်ရာဝင်”လို့ ပြောတာ ကြားလိုက်သလို ပါပဲ။
အမှန်က ဂျစ်တူး ရေးမယ့် စာစီစာကုံး စာသားတွေကို ခေါင်းထဲမှာ စာစီနေခဲ့တာဗျ......။
ညအိပ်ရာဝင်တော့လည်း အတွေးတွေထဲမှာ ဒီအကြောင်းပဲ တွေးနေလို့ အိပ်လို့ မပျော်ခဲ့ပါဘူး.....စာစီစာကုံးကို တရုတ်လို ရေးရမှာဆိုတော့ စိတ်တော်တော် ညစ်မိတာတော့ အမှန်ပါပဲ.....။
ရေးတာရေးရမှာ တလွဲဖြစ်ဘို့ ရာခိုင်နှုန်း များနေတော့ စိတ်ထဲမှာ ပူပန်မှုတွေ ဖြစ်နေရတယ် ....

ဒါပေမဲ့ နောက်နေ့ ကျောင်းမုန့်စားဆင်းချိန်မှာ တတ်သလောက် မှတ်သလောက် ဂျစ် ရေးတော့တာပဲ....။ ဘယ်ရမလဲ ဂျစ်ရေးတာ စာမျက်နှာ တစ်မျက်နှာလောက် ရတယ်ဗျ.....၊ စာအုပ်ထပ်ရမဲ့ ရောက်တော့ ဆရာမ စားပွဲပေါ် စာအုပ်တွေ သွားထပ်ကြတာပေါ့........ကျောင်းသား/သူအားလုံး စာအုပ်တွေ ထပ်လို့လဲပြီးရော ဆရာမက..“ နေ့လည်ထမင်းစားချိန် ပြီးလို့ ကျောင်းတက်တာနဲ့ .... ခုံအမှတ် အလိုက် အတန်းရှေ့မှာ ထွက်ပြောရမယ်” လို့ ပြောတယ်....၊ ဂျစ်တူး ခုံအမှတ်က(၄၅)လေ.....ဒီတော့ ....သေချာတာ ဂျစ် ဒီနေ့ ရှေ့ထွက်ပြောဘို့ အလှည့် မရောက်နိုင်ဘူး ဆိုတာပါပဲ ။ တော်တော်တော့ ပျော်သွားတယ် ....ဗျာ..။ဘာလို့လဲဆိုတော့ မနက်ဖြန် အတန်းရှေ့ ထွက်ပြောတဲ့အခါ သူများနားလည်အောင်
တရုတ်လို လေ့ကျင့်ချိန် ပိုရလို့ပါ ။

ခုံအမှတ်စဉ်အတိုင်း တစ်ယောက်ပြီး တစ်ယောက် ထွက်ပြောကြတာပေါ့....ပြောသွားတဲ့ အကြောင်း အရာတွေ အများစုက ဂျစ် မှတ်မိသလောက် ...သူတို့ငယ်ငယ်က ဘယ်နိုင်ငံ သွားလည်ဘူးတယ်.....၊ အဖေ၊အမေတွေက နှစ်စဉ်နှစ်တိုင်း တန်ဘိုးရှိတဲ့ မွေးနေ့လက်ဆောင် ပေးတတ်တယ်......၊ ငယ်ငယ်ထဲက အင်္ဂလိပ်စကားပြော ကောင်းအောင် စကားပြော သင်တန်းထားပေးတယ်....လို့ စသဖြင့် နားထဲမှာ တကယ်ချိုမြိန်တယ်ဗျာ.....။ တကယ်လဲ အားကျစရာတွေ အများကြီးပါ...။

ဂျစ် အတန်းရှေ့ ထွက်ပြောရမဲ့ အလှည့်ရောက် လာတော့...ဂျစ် ကြောက်ကြောက်နဲ့ ရှေ့ထွက်သွား တာပေါ့.....လက်တွေ ၊ခြေတွေ အေးစက်နေပြီ ။ ဂျစ်က စစချင်း အတန်းထဲက ဆရာမ အပါမ၀င် အတန်းဖော်တွေ အားလုံးကို တောင်းပန်စကား စပြောမိတယ်...“.ဂျစ် ပြောတာ နားမလည်ရင် မရယ်ကြပါနဲ့ ....စကားလုံးသုံးနှုန်းတာ မှားခဲ့ရင် ပြောပါ”လို့....။ အတန်းတစ်ခုလုံး ငြိမ်သက်သွား တယ်ဗျာ...ဂျစ်လဲ ငြိမ်နေကြတော့ စကားပြောမဲ့ဟာက မပြောရဲဘူးပေါ့....အဲ့ဒီတော့မှ ဆရာမက မကြောက်ဘို့ ပြောတယ်....ဒါနဲ့ ဂျစ်လည်း လေ့ကျင့်ထားတာ စပြောတော့တာပေါ့ ...။

“ဂျစ်ငယ်ငယ်က ဆင်းရဲလို့ သူများအိမ်မှာ ကပ်နေရာတာပါ....မိဘက အဆင်မပြေတော့ အကျီ င်္အသစ်ဆိုတာ မ၀တ်ရဘူး....မမ ၀တ်ပြီးအကျမှ ၀တ်ရတဲ့အကြောင်း...ဒါပေမဲ့ စာတော်ကြောင်း ကြွားလိုက်သေးတယ်....ဆုတွေနှစ်တိုင်း ရခဲ့တယ်ပေါ့.....ငယ်ငယ်က အလိုချင်ဆုံးက ဂျစ်တို့မိသားစု ကိုယ်ပိုင်အိမ်လေး တစ်လုံးလိုချင်တာပါလို့..........၊ အကြိုက်ဆုံး တစ်ခုက မေမေခွန့်ကျွေးဘူးတဲ့ ထမင်းပါ....” စသဖြင့် ဂျစ်တူး ငိုသံပါပါနဲ့ ပြောလိုက်တာတွေက အများကြီးပေါ့...သူတို့တွေ နားလည်တယ် ၊မလည်တယ်တော့ ဂျစ်မသိဘူး အတန်းသားတွေ မျက်နှာ မကောင်းသူကမကောင်း ၊ မျက်ရည်ဝဲသူက ၀ဲနေကြတာ တွေ့လိုက်ရတယ်....ပြီးမှ တတန်းလုံး ဂျစ်ကို လက်ခုပ်တီး အားပေးခဲ့ကြတယ်...။

အမှန်တော့ ဂျစ်ငိုသံ ပါသွားတာက အကြောင်းရှိတယ်ဗျ....ဂျစ် ငယ်ဘ၀က ဆင်းရဲလို့လဲ မဟုတ်ဘူး...မပြောတတ်တဲ့ စကားကို အတင်းကျက်မှတ်ပြီး မနည်းအားတင်း ပြောနေရတယ်လေ.. ပြောရင်းနဲ့ မေ့သွားတာတွေလည်း ရှိတော့ ငိုချင်လာတယ်....ဒါကြောင့် ငိုသံပါသွားရတာပါ.....။ အဲဒီကစပြီး ဂျစ်ကို အတန်းသားတွေအားလုံး ခင်ကြတော့ တာပဲ....။


ဒီပို့စ်လေးက ဂျစ် (၁၃)နှစ် အရွယ် ထိုင်ဝမ်မှာ ကျောင်းတက်တုန်းက တကယ်ကြုံခဲ့ရတဲ့ အကြောင်းလေးပါ.....မောင်နှမအားလုံးကို ဝေမျှလိုက်ပါတယ်.............။


ချစ်ခင်လေးစားစွာဖြင့်
ဂျစ်



ဆက်ရန်ရှိပါသေးသည်......................................................................................

သိပ်ချစ်တတ်တဲ့ ကောင်းကင်

နာကျင်စရာတွေ ထမ်းပိုး

ညတစ်ရေးနိုးမှာ

အာခေါင်တွေခြောက်ကပ်

ဒဏ်ရာတွေပဲ

ထပ်နေခဲ့ပေါ့.........။

(မောင်က “ဂျစ်”ကိုစိတ်ပူတတ်သူပါ....မောင့်ရဲ့ အိပ်စက်ခြင်းမှ လန့်နိုးလာရင်တောင်

သတိရတာ ....ကျမ ဆိုတာ မောင်ပြောပြလို့ သိခဲ့ရတယ်။)

အလင်းမဆင်တဲ့

ငါ့ကောင်းကင်မှာ

ကြယ်တစ်ပွင့်သာ

နင်ဖြစ်ခဲ့ရင်

ငါ့ချစ်ခြင်းနဲ့

ပစ်ခွင်းလိုက်ချင်

ကြယ်ကြွေချိန်မှာ

အလင်းမဝေလိုက်ပါနဲ့

ဘယ်သူနဲ့မှ

လုမကြည့်ချင်ဘူး.......။

(မောင်က ကျမနဲ့ ပက်သက်လာရင် အရမ်းသ၀န်တိုတတ်တယ်....ပြီးတော့ ကျမရဲ့အချိန်အားလုံးကို

မောင်က လောဘတကြီး လိုချင်ခဲ့သူပါ....။ ကျောင်းတုန်းကဆို အတူတူ အရမ်းရင်းနှီး...၊အတူတူ

ကျောင်းသွား...၊အတူတူ ကျူရှင်တတ်တဲ့ သူငယ်ချင်းတွေကို ဘောပင်လေးတစ်ချောင်း ကျမ

ငှါးမိခဲ့တဲ့အခါ......သူငယ်ချင်းထဲက စာမသိလို့ ကျမရှင်းပြမိတဲ့ အခါမျိုးမှာ မောင်ကမျက်နှာမကောင်း

စိတ်ဆိုးခဲ့ဘူးတယ်....။ ကျမက မောင်မှမောင်ပါလို့ အားလုံးရှေ့မှာ ပြောပြရင်တောင်... ကျမ ကို

စိတ်ပြောင်းသွားမှာ ဆိုးတယ်လို့ ပြောတတ်တယ် ။........ဘာလို့ အဲ့လိုပြောခဲ့လဲ ဆိုတော့ ........

ကျမဘေးမှာ မောင်ရှိရက်နဲ့ လာတန်းစီနေသူတွေ ရှိနေခဲ့လို့ ... မောင်စိတ်ပူခဲ့ရတာပါ....။

တကယ်တော့ မောင့်ရဲ့ဘေးမှာ ကျမအမြဲရှိခဲ့သူပါ.......ကျောင်းသွားတူတူ ...မုန့်စားတူတူ....

ကျောင်းဆင်းချိန် အတူတူ....ကျူရှင်တက်ရင်လဲ အတူတူ...စာကျက်ရင်တောင် အတူတူရှိနေခဲ့တာပါ.....။)

ဘာပဲဇြစ်ဖြစ်

ငါ့နားဘေးမှာ

မင်းရှိပေးရင်

အရှုံးတွေလည်း

ပြုံးပြရဲတယ်.....။

မျက်တောင်တစ်ခတ်ပဲ

ပေးဆပ်ခဲ့ရင်

ငါ့ဘ၀တစ်သက်လုံး

မင်းယူသုံးပါ

ကြည်ကြည်ဖြူဖြူ

ပေးလှူပါ့မယ်..........ချစ်တဲ့သူရယ် ။

***ချစ်သူရေ မောင့်ရဲ့သ၀န်တိုမှုတွေက မကောင်းခဲ့ပါဘူး....ဒါပေမဲ့ ချစ်သူကို သိပ်ချစ်လို့

သ၀န်တိုခဲ့တာပါ...............တနည်းအားဖြင့် မောင်“ဂျစ်”ကိုသိပ်ချစ်တာ သိမြင်နိုင်ပါစေ။***

(ဒီကဗျာလေးက မောင် ကျမအတွက် အမှတ်တရ ပို့ပေးခဲ့တာပါ )

မောင်ရေ ကျမလည်း မောင့်လိုပဲ သ၀န်တိုတတ် တာမမေ့ပါနဲ့......နော်.......

(မောင့် ဘေးမှာကျမ ရှိရင် အားလုံးပြည့်စုံပြီလို့ မောင် မကြာခဏ စာရေးပြီး ကျမကို

ပြောတတ်တယ်လေ ၊ ကျမ ၀တ္ထုဆိုတာ ဖတ်ကို မဖတ်ခဲ့တာပါ....မောင်သိပါတယ် ၊

ဒါပေမဲ့ မောင်ပို့ခဲ့ဘူးတဲ့ ၀တ္ထုလေးတစ်အုပ်ကို ကျမ ချစ်တဲ့စိတ်နဲ့ အစအဆုံး

ဖတ်ဘူးတယ်..... ။၊အခုတလော ဘလော့မောင်နှမတွေရဲ့ စာတွေတော်တော်များများ
လိုက်ဖတ်ဖြစ်တယ်....ဘာလို့ လိုက်ဖတ်ဖြစ်လဲဆိုတော့ မောင်က ကျမ စာဖတ်အား
နည်းလို့ စာတွေဖတ် စေချင်တယ် ၊ ညဘက်တွေမှာ စာဖတ်တဲ့ အကျင့်လေး ကျမမှာ ရှိသွားတယ်၊

ဘလော့မောင်နှမတွေရဲ့ ရေးထားတဲ့ ခေါင်းစဉ်လေးတစ်ခုကို သဘောကျမိတယ်.....၊

ခေါင်းစဉ်လေးက “အဖြစ်ချင်ဆုံး ဆန္ဒတစ်ခု”တဲ့....၊ ဒါနဲ့ မောင့်ကို မေးမိတယ်....

မောင်အဖြစ်ချင်ဆုံး ဆန္ဒလေးက ဘာဖြစ်မလဲလို့ သိချင်ခဲ့လို့ပါပဲ ။

မောင်က ....“မောင်... ကျမကို တစ်သက်စာ ပိုင်ဆိုင်ခွင့် ရချင်တာပါတဲ့ ”...........၊

မောင် ကျမကို သိပ်ချစ်ခဲ့တာ ကျမမြင်ပါတယ်မောင်........မောင့်ရဲ့ သ၀န်တိုမှုတွေက

တစ်ခါတစ်လေမှာ မောင်ထင်သလို မဟုတ်ခဲ့တော့ ကျမခံစားရတယ်.....၊ ကျမရဲ့

အချိန်တွေ တော်တော်များများဟာ မောင်ပိုင်ဆိုင်ထားတာပါ......၊ ဘာပဲဖြစ်ဖြစ်

မောင့်ဆီက အဆိုးဆုံးတွေလည်း ကျမထပ်ပြီး လက်ခံသွားအုံးမှာပါ............မောင် )

ဘ၀ အပိုင်းအစလေးများ(၁)

“ဂျစ် ”(၁၃) နှစ်အရွယ်မှာ ဖေဖေနဲ့မေမေက မြန်မာပြည် ပြန်လာခဲ့ပြီး ဂျစ်တို့ညီမ
သုံးယောက်လုံးကို ထိုင်ဝမ်သို့ ခေါ်သွားခဲ့တယ်.....။ ထိုင်ဝမ်ကို လိုက်သွားရမယ် ဆိုတော့
တော်တော်ပျော်တယ်ဗျ....။ ဂျစ် တစ်ယောက် စာတွေအများကြီး မကျက်ရတော့ဘူးပေါ့ ၊
ဖေဖေ ၊ မေမေ နဲ့လဲ တူတူနေရပြီ ဆိုတဲ့ အတွေးလေးတွေက ရင်ထဲကြိတ်ပျော် နေခဲ့မိတယ်...။

စရောက်ရောက်ချင်း တရုတ်စကား မတတ်တော့ ကျူရှင်ယူရတယ်။
ကျူရှင်မှာ တူတူတက်တဲ့ မြန်မာပြည်က ဘ၀တူသူငယ်ချင်း (၂)ယောက်ရှိတယ်....
သူတို့ကလဲ ထိုင်ဝမ်မှာ ကျောင်းလာတက် ကြတာပဲ....သူတို့က ဂျစ်လိုပဲ တရုတ်လို
ဘာတစ်ခုမှမတတ်ဘူး ။ထမင်းစား ရေသောက်တော့ နည်းနည်းပါးပါး နားထောင်တတ်
ရုံလောက်ပဲ ရှိကြတယ် .....။

ဂျစ်တူးတို့ကို တရုတ်စာပြပေးတဲ့ ကျူရှင်ဆရာမက မြန်မာပြည်ကနေ ထိုင်ဝမ်ရောက်တာ (၁၅)နှစ်လောက်ရှိပြီ ။
တရုတ်စာ ကောင်းကောင်းရတော့ ဂျစ်တို့လို ဟိုမရောက် ဒီမရောက် ချာတိတ်လေးတွေကို စာပြပေးခဲ့တယ်......။
ဂျစ်တို့ အဲ့ဒီမှာ စပြီး ကျွတ်တော့တာပဲ....အိမ်စာတွေ နေ့တိုင်းပေးတယ်။ စာတွေကျက်ခိုင်းတယ၊် ပြီးတော့ နောက်တစ်နေ့ မေးတော့တစရောက်ရောက်ချင်း စာမရမရလို့ကတော့ ထိုင်ထအခါ(၂၀) လုပ်ရတယ်.၊
ပြီးရင် မကျက်လာတဲ့ စာကို အခေါက်ရေသုံးခါ ရေးပြီးမှ အိမ်ပြန်လွှတ်တာ....။
စိတ်ကူးထဲမှာ စာတွေဒီလောက် လုပ်ရမယ်လို့ မထင်ခဲ့ဘူး......။

ဒါပေမဲ့ ကျူရှင်ဆရာမက ဂျစ်တို့စိတ်ညစ်ပြီး ကျူရှင်မလာတော့ မှာဆိုးတယ်ထင်တာပဲ ...
နောက်နေ့တွေမှာ စာရတဲ့သူ ကျူရှင်ဆင်းရင် TV GAME ပေးဆော့ တတ်တယ်....ပျော်ဘို့လည်းကောင်း
သလို တရုတ်စာတွေ မကျက်ချင်ကျက်ချင်နဲ့ လုပ်နေရတော့ စိတ်ပိန်တယ်..................ဗျာ.။

အစက နိုင်ငံတကာကလာပြီး ကျောင်းလာတတ်တဲ့ နိုင်ငံတကာကျောင်းမှာ ဂျစ်ကို ထားမလို့ပဲ ။
တရုတ်စာ မကောင်းမှာဆိုးတာရယ် အဲ့ဒီကျောင်းက လူဆိုးများလို့ဆိုပြီး အဲဒီကျောင်းမှာထားဘို့ အစီအစဉ်
ဖျက်လိုက်တယ်....။ ဒီလိုနဲ့ မေမေက ဂျစ်တူးကို ထိုင်ဝမ်က သူတွေတက်တဲ့ နေ့ကျောင်းမှာ
ကျောင်းအပ်ခဲ့တာပဲ......။

ဒီမှာ ဂျစ်တူးရဲ့ body language စတင်တော့တယ်......ကျောင်းစတက်တဲ့ နေ့မှာပဲ
တလွဲတွေ လုပ်ဘူးတယ်....အတန်းထဲက ကျောင်းသူ အားလုံး ရှပ်အကျီ င်္နဲ့ စကပ်ဝတ်တဲ့
နေ့မှာ ငဂျစ်က အားကစားအကျီ င်္ အပြာရောင်နဲ့ ....“ကျော်ဟိန်း”လုပ်နေတာ.............
အတန်းထဲက သူတွေအားလုံးက ဂျစ်ကို ၀ိုင်းကြည့်တာပေါ့.....ဂျစ်ကတော့ မသိချင်ယောင်
ဆောင်နေရတယ်။ ဘာလို့လဲဆိုတော့ လာပြီးမေးမှာ ဆိုးလို့ ၊ စကားမပြောတတ်တဲ့ ကြားထဲ
လာမေးရင် ဘာဖြေရမှန်း မသိဘူးလေ .......ဒီတော့ ခက်တည်တည်ပဲ နေလိုက်တယ်..။

အတန်းထဲက ဆရာမက လက်ပြပြီး လှန်းခေါ်တယ်....ဘာတွေပြောမှန်း နားမလည်တော့
ခက်ပြုံးပြုံးလေး ရယ်ပြရတယ်....ပြီးတော့ ခေါင်းခါ လက်ခါနဲ့ ဘာတွေလုပ်မှန်းကို မသိတာ၊
ဂျစ်က သတ္တိတော့ ရှိတယ်......ဆရာမကို So sorry လို့ ပြောပြီး နေရာကို ပြန်ထိုင်ခဲ့တယ် ။
နေ့လည် အတန်းတက်နေချိန် အပေါ့သွားချင်တော့ ဘယ်လိုခွင့်တောင်း ရမှန်းမသိတာနဲ့
ဖြစ်ချင်ရာဇြစ်ဆိုပြီး ဆရာမကို လက်ညှိုးတစ်ချောင်း ထောင်ပြလိုက်တယ်......။
ကံကောင်းတော့ ဆရာမ နားလည်တယ်ဗျာ....ပျော်သွားရတယ်...................။

နောက်နေ့တွေ ကျောင်းတက်တော့လည်း အတန်းထဲက သူတွေနဲ့ ကျောင်းဝတ်စုံ
အရောင်မတူတဲ့ ကိစ္စဖြစ်ပြန်ရော.......အဲ့ဒါနဲ့ ဂျစ်တူးလဲ အိမ်ပြန်ရောက်တော့ စဉ်းစားမိ
တယ်....မနက်ဖြန် ဘာအရောင်ဝတ်ရင် ကောင်းမလဲပေါ့ ...နောက်နေ့တွေမှာ ဂျစ်တူး
စိတ်ထဲက မှန်းပြီးတူမလားလို့ ၀တ်သွားတာပဲ.....တူတဲ့..နေ့တူ မတူတဲ့နေ့လဲ မတူပေါ့..။

အဲ့ဒါကတော်သေး ဆိုးတာက တနင်္လာနေ့ ၊ ဗုဒ္ဓဟူးနေ့၊ သောကြာနေ့တွေမှာ ကျောင်းကွင်း
ထဲကိုတစ်ကျောင်းလုံး ကျောင်းသား/သူတွေဆင်းပြီး နိုင်ငံတော်အလံကို အလေးပြုရတယ်..။
ဂျစ် အကျီ င်္ဝတ်တာ တတန်းလုံးနဲ့မတူတဲ့နေ့တွေမှာ အခန်းထဲမှာ ကျန်ခဲ့ရတယ်....။
ဆရာမကလည်း မြန်မာပြည်က ကျောင်းလာတက်တဲ့ ဂျစ်ကို နားလည်မှုပေးခဲ့တယ်..။
ဆရာမခေါ်ပြောတိုင်း ပြုံးပြုံးလေး နားထောင်ပြီး ပြန်ခဲ့တဲ့ဘ၀ကို ဂျစ် တွေးမိတိုင်း
သဘောကျမိတယ်.................။

ဂျစ်တို့ နေ့တိုင်းရေးရတဲ့ စာအုပ်လေး တစ်အုပ်ရှိတယ်...အဲ့ဒါက နေ့စဉ် homework
တွေ ၊ မိဘတွေကို မှာတဲ့ အကြောင်းကြားစာမျိုးလေးတွေ ရေးမှတ်ရတယ်...။ဒါကို
မိဘက နေ့တိုင်းကြည့်ပြီး လက်မှတ်ထိုးပေး ရတယ်.....မိဘကလည်း ဆရာမကို
ပြောချင်တာ ရှိတာရေးပြီး ပြောလို့ရတယ်....ဒီစာအုပ်ကို ကျောင်းတက်တာနဲ့ ဆရာမစားပွဲမှာ
တင်ကြရတယ် ။

ဆရာမက ကျောင်းဖွင့်ပြီး နှစ်ပတ်လောက် အကြာမှာ ဂျစ်ရဲ့ နေ့စဉ်မှတ်တမ်း
စာအုပ်မှာ ရေးလိုက်တာကတော့ ......
( 穿錯衣服.....好幾天了) ကျောင်းအကျီ င်္ မှားဝတ်တာ
ရက်တော်တော် များနေပြီလို့ မိဘကို အကြောင်းကြားလိုက်ခြင်းပါ.....။

(星期一 /星期三/ 星期五) 穿制服.......တနင်္လာနေ့ ၊ ဗုဒ္ဓဟူးနေ့တွေမှာ ရှပ်အကျီ င်္နဲ့ စကပ်(ယူနီဖောင်းပေါ့)

(星期二/星期四) 穿運動服.....အင်္ဂါ ၊ ကြာသာပတေးမှာ အားကစား အကျီ င်္၊

(星期六上半天課) 便服........နေ့တစ်ဝက်တက်ရတဲ့ စနေနေ့မှာ ကြိုက်တဲ့
အပြင်အ၀တ်အစား ၀တ်နိုင်သည်။ အဲ့ဒီစာကို မေမေမြင်မှ ဂျစ်တူးကို ရယ်လိုက်တာ..........
...မပြောပါနဲ့တော့...........................
ရယ်ရလို့ မေမေ ဗိုက်တောင်နာတယ် ဆိုပဲ............................။

“ဂျစ် ရဲ့ ဘ၀အပိုင်းအစ လေးတွေပါ.....မောင်နှမများ အားလုံးကို မျှဝေခံစားလိုက်သည်...........။

လေးစားချစ်ခင်စွာဖြင့်......
ဂျစ်

ဆက်ရန်ရှိသေးသည်........................................။

နောက်ကျသူ

(အကြိမ်ကြိမ်)
စောင့်ဆိုင်းရသူရဲ့
ဒုက္ခကို .....ငါဟာ
စာနာမိပါတယ်......။
( “မောင်”ဟာ ...သူချိန်းတဲ့နေ့တွေမှာ အချိန်မှန်
ရောက်ခဲ့တဲ့ ကျမကို....စောင့်ဆိုင်းရသူရဲ့ ဒုက္ခကို “မောင်”စာနာတတ်ပြီလို့
ပြောချင်တာပါ.................။)

ဒါပေမဲ့
နောက်ကျတတ်ခြင်းကို
ဖျောက်ဖျက်မရနိုင်ခဲ့....။
နောက်မကျရအောင်
ကြိုးစားပေမဲ့
နောက်ဆုံးတော့လည်း
ထုံးစံအတိုင်းပါပဲ......။
(ချိန်းလိုက်တဲ့ အခါတိုင်း အကြောင်းအမျိုးမျိုးဖြင့် နောက်ကျတတ်တဲ့ “မောင်
ဟာ သူနောက်မကျအောင် အမြဲ ကြိုးစား ခဲ့ပါတယ်တဲ့...နောက်ဆုံးမှာ “ကျမ”
ပဲ နောက်ကျတတ်တဲ့မောင့်ကို စောင့်မြဲအတိုင်းစောင့် ခဲ့ရတာပါပဲ......။)

ဘုရားသခင်က
လိုအပ်ချက် မပြည့်ဝတဲ့ ဘ၀နဲ့
နောက်ကျရခြင်းကို
ထည့်ပေးလိုက်တာနဲ့
တူပါရဲ့....။
(မောင် ချိန်းဆိုပြီး မလာတဲ့နေ့တွေမှာ လည်းကျမ စောင့်မြဲအတိုင်း စောင့်ခဲ့ဘူး
ပါတယ်....ဒါကကျောင်းသူဘ၀ မောင်စချိန်းတဲ့နေ့မှာ မောင်မလာမချင်း
ယုံယုံကြည်ကြည်နဲ့ပဲ ချိန်းဆိုတဲ့နေရာမှာ စောင့်ခဲ့ဘူးလို့....သူငယ်ချင်း တစ်အုပ်စုလုံး
က လှောင်ရယ်မှု ကိုခံခဲ့ရဘူးတယ်....ဒါပေမဲ့ စောင့်ရသူအတွက် ချစ်တဲ့စိတ်နဲ့
တိတ်တိတ်လေး ကြေကွဲတာကလွဲလို့ ဘာမှမတောင်းဆို ခဲ့ဘူးပါဘူး ...။)

ဘ၀မှာ
နောက်ကျခြင်းကို
(မကြာခဏ)
ကြုံတွေ့လာသူ ကိုယ့်အတွက်
ချိန်းဆိုခြင်းကို
ထိတ်လှန့်လာခဲ့
ချိန်းဆိုမှုရဲ့ နောက်ကွယ်မှာ
မရိုးနိုင်တဲ့
ဖြေရှင်းချက်တွေနဲ့
အချိန်ကုန်ခဲ့ရတယ် ....။
(မောင်ဟာ နောက်ကျတတ်လွန်းတော့ ..နောက်ပိုင်းတွေမှာ ဘာလုပ်လုပ်
မချိန်းဆိုရဲသလောက်ဖြစ်ခဲ့တယ်...ချိန်းလို့ထပ်နောက်ကျ ခဲ့ရင်လည်း ထုံးစံအတိုင်း
ဖြေရှင်းမှုတွေနဲ့ ကျမတို့တတွေ အချိန်ကုန်ခဲ့ရတယ် ....။)

ချစ်သူရဲ့
အယုံအကြည်ကင်းမှုကို
ရရှိသူတစ်ယောက်
ကံဆိုးသူမရှိနိုင်ဘူး
ထင်ပါရဲ့.......။
ငါ့ရဲ့
နောက်ကျမှုဟာ
စချိနိးတဲ့နေ့မှာပဲ
စတင်ခဲ့တယ်....။
(စချိန်းတဲ့ နေ့ကစပြီး နောက်ကျခဲ့ဘူးတဲ့ မောင့်ကို.....ကျမ
နောက်ပိုင်းမှာ မောင်ချိန်းဆိုမှာကို ကြောက်မိလာတယ်...မောင်ကို မချိန်းဆိုဘို့
ကျမတောင်းဆိုမိတယ်...ဒီလိုတောင်းဆိုမှုကြောင့် မောင့်က သူ့အပေါ် ယုံကြည်မှု
မရှိဘူးထင်ခဲ့တယ်လေ...။)

ဒီလိုနဲ့
ငါဟာ.....
နောက်ကျတဲ့ အရသာကို
ခါးသီးစွာ မြိုချရင်း..................
ဘ၀မှာ တစ်ကြိမ်လောက်တော့
သူမထက် ဦးချင်ပါသေးတယ်..............။
(ချစ်သူဖြစ်ပြီး ချိန်းထားတိုင်း နောက်ကျတတ်တဲ့ မောင်က ...မောင့်ကိုမောင် ၀န်ခံရေးထားပြီး
“ဂျစ်”ကိုပို့ပေးခဲ့တဲ့ ကဗျာလေးပါ ..။မောင်က သူဆုတောင်းခဲ့တဲ့ အတိုင်း ဒီတခါတော့
မောင်ဦးခဲ့ပါပြီလို့ ကဗျာလေးရဲ့ အောက်ဆုံးမှာရေးခဲ့ပါတယ် ။ ဘာလို့လဲဆိုတော မောင်က
“ဂျစ် ” ပြန်အလာကို ရက်ပေါင်း (၈၀၀)ကျော် စောင့်နေခဲ့သူပါ.............။)

ရက်ပေါင်း (၈၀၀) ကျော်ဆိုတာ မောင်အဲဒီကဗျာကို ရေးတဲ့အချိန်ပါ.. တကယ်တော့ ဂျစ်တို့ ပြန်တွေ့ဘို့
၆ နှစ်နီးနီး ဝေးခဲ့ရပါတယ်..ရက်နဲ့တွက်ရင် ရက်ပေါင်း ၁၈၀၀ တောင်ကျော်ပါသေးတယ်လေ...။

ဒီပို့စ်လေးတင်ဖြစ်တာ ကတော့ မောင်နဲ့ပက်သက်ရင် ကျမဟာ အကောင်းဆုံးတွေ ရခဲ့ဘူးသလို
အဆိုးဆုံးတွေ လည်းအကြိမ်ကြိမ် ရခဲ့ဘူးပါတယ်....မောင်နဲ့ပက်သက်ရင် အမှတ်တရတွေ အများကြီးရှိခဲ့တယ်..။
ခုချိန်တွေးမိရင်တောင် ရင်ထဲက ခံစားချက်တွေက လက်ဆတ်နေတုန်း ပါပဲ..............။

**ဘ၀မှာ ဖြစ်ချင်တာထက် ဖြင့်သင့်တာကို ဦးစားပေးမိခဲ့တဲ့ ကျမ ...အချစ်ကို ကိုးကွယ်တတ်တဲ့ “မောင်”.......
တို့တတွေ နှစ်ယောက်ကြားမှာ နားလည်မှုတွေ လွဲခဲ့ရတာ အကြိမ်ကြိမ်ပါပဲ.....လွဲဆို......ခုချိန်ထိပါပဲ...............။ **

အနက်ရောင်...ပန်းချီကားတစ်ချပ်

ကျမက အဖြူရောင်ကို ငယ်ငယ်ထဲက သိပ်ကြိုက်ခဲ့တယ်........။ အဖြူရောင်ဆိုတာ ဖြူစင်တယ် ရှင်းသန့်တယ်လို့ ယူဆမိခဲ့တယ်....ဒါကြောင့် စိတ်ထဲက စွဲစွဲမြဲမြဲ နှစ်သက်ခဲ့ရတယ်.............။

မောင်နဲ့ ကျမ ဆုံစည်းခွင့် ရလာတဲ့အချိန် ၊ ချစ်သူကို ချစ်တတ်ခဲ့တဲ့ အချိန်မှာ ကြိုက်တဲ့အရောင်

က တစ်မျိုးပြောင်းလဲခဲ့တယ်....အနက်ရောင်ကို ချစ်တဲ့စိတ်နဲ့ နှစ်သက်သွား ခဲ့ရတယ်.......။

ကျမ ... မောင့်ကို ဘာလို့ အရမ်းချစ်တတ် ခဲ့တာလဲ ?

မောင်ကရော ကျမအပေါ် ဒီလောက် ဘာလို့ ချစ်ခဲ့ရတာလဲ ............ဟင် !

ကျမရဲ့ မျက်ဝန်းအကြည့်တိုင်းက “မောင်” တစ်ယောက်ထဲအတွက်ပါ..... မောင်ရယ် ။

ခုချိန်မှာ မောင့်ကို လွမ်းနေသူ ကျမအတွက်တော့ အရာရာတိုင်းဟာ ကြေကွဲစရာချည်းပါပဲ ။

ချစ်သူမရှိပဲ ဖြတ်သန်းခဲ့ရတဲ့ နေ့တွေလဲ ထပ်မလိုချင်တော့ ပါဘူး ။ ကျမသာ ဖန်ဆင်းရှင်ဆိုရင်

မောင့်ကို ကျမ အနားရောက်အောင် ဖန်ဆင်းခေါ်ဆောင် မိမှာအမှန်ပါပဲ ။ဝေးနေချိန်မှာ အလိုချင်ဆုံး

အရာဟာ မောင်ကိုအတွေ့ချင်ဆုံး ဖြစ်ခဲ့တယ်....မောင်.... ။ ကျမ တမ်းတမိတာ မောင်တစ်ယောက် ကြားသိပါ့မလား ...............? နှစ်တွေ ၊ လတွေ ၊ ရက်တွေကတော့ ကုန်နေအုံးမှာပါပဲ.....သေချာတာ

တစ်ခုက ကျမ မောင့်အပေါ် ထားရှိခဲ့တဲ့ အချစ်တွေကတော့ ဘယ်တော့မှ ကုန်သွားမှာ မဟုတ်ဘူး

ဆိုတာ ကျမ ရဲရဲကြီးပြောရဲ ပါတ.ယ်.............။

မောင့်ရဲ့ အတ္တတွေဟာ ရက်စက်မှုအဖြစ် ပြောင်းလဲခဲ့ရင်တောင်မှ “ဂျစ်” က ဒီလိုပဲ “မောင့်” ကို

မြတ်မြတ်နိုးနိုး ချစ်နေအုံးမှာပါ...။ မောင်ပြောဘူးတဲ့ စကားလေးကို နှစ်သက်ဘူးတယ် ........

“မောင် နဲ့ ကျမ ရဲ့ အတိတ်ဟာ ပန်းချီကားတစ်ချပ်နဲ့ တူတယ်” ဆိုတာလေ .......။

ရန်ဖြစ်ခြင်းဟာ အနက်ရောင် ဆိုရင် အနက်ရောင်များတဲ့ ပန်းချီကားလေး ဖြစ်မှာပါတဲ့ ။ဒါပေမဲ့ နှစ်ယောက်စလုံး ချစ်တဲ့စိတ်နဲ့ ရေးဆွဲခဲ့ကြတာမို့ ကျမဟာ အလိုလို အနက်ရောင် ကြိုက်ပြီးသား

ဖြစ်နေပါပြီ ...... မောင်ရယ် ။

( ချစ်သူဘ၀ မောင်တစ်ယောက်..... ကျမနဲ့ အချိန်တိုင်း တွေ့ချင်နေခဲ့တယ်...ကျမ မောင်နဲ့တွေ့ပြီး

အိမ်ပြန်မယ် ဆိုတဲ့အခါတိုင်း မောင်ဟာ ကျမကို စိတ်ဆိုးတတ်တယ်........ကျမတို့ရဲ့ မိဘတွေက

စည်းကမ်းကြီးတယ်.....ငယ်ရွယ် ကျောင်းသူဘ၀ ချစ်သူကို သိပ်ချစ်ရက်နဲ့ အိမ်ပြန်ဘို့ပဲ မောင့်ကို

ပြောခဲ့ဘူးတယ် ပူဆာခဲ့တယ် .....။ စိတ်တိုတတ်တဲ့ မောင်နဲ့ သိပ်ချစ်တတ်တဲ့ ကျမဟာ

စကားများ ရန်ဖြစ်ခဲ့ရတဲ့ အကြိမ်မနည်း ခဲ့ပါဘူး ။ ဒီလိုပါပဲ ဘ၀ဟာ ရန်ဖြစ်ပြီး ပြန်ချစ်လိုက်နဲ့........အနက်ရောင် ပန်ချီကားလေးကို ကျမ ကြိုက်နှစ်သက် သွားရတယ်....။)